JIRIMIA 11:17 - Tanou Moonsoi Timugon

¹⁷ “Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 11:17 ပူးပေါင်းရင်းမြစ်များ

JISAYA 5:2

Manangkul io ra tana' nano am mamatir ra batu-batu nano; mantanom io ra anggur napili', am nambaal io ra manara pantamungan. Mangkali io ra rondo' luang koson pamagaan ra kawa' ru anggur nano. Io pana mantamung saboi kawa' ru anggur maansak, kaa' moonong kawa' no mataris.

JIRIMIA 12:2

Tinanom Mu ilo koson ra tutuu', ilo pana nanambakat, timinuu' am nangkawa'. Masalok ilo mindagu ra moonsoi intor Rirun, kaa' ralalom ru guang, sotopot no kalo mampalio ilo Rirun.

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

YEHEZKIEL 17:5

Kopongo raginio nangalap kanui no rondo' tatanom mamulok intor ra pagun Israil am potonomo' ginio giu' ra tana' ondo' malabung am makatimug.

JIRIMIA 45:4

Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

JIRIMIA 40:2

Panglima saujor no nagibit raki' ra kiing am indagu, “Tuhan, i Aki Kapuuno' muno, nompololob ra pagun ti ra kapusaan.

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 35:17

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, mamparatong ra karaat ondo' binantu' Kuli ramuyun, mamagun ru Jiuda am Jirusalim. Baalon Ku gitio sabap ra marara' kau rumongog paat ra Aku mindagu, am marara' kau tumaam paat ra Aku mampiau.”

JIRIMIA 26:19

Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

JIRIMIA 24:6

Alungin Ku ilo am magibit risilo sumaguli' ra pagun ti. Baalon Ku ilo, am kalo lunsayon ilo; tolorogon Ku ilo am kalo bubulon ilo.

JIRIMIA 18:8

kaa' bansa' no pana tumalikur intor ra malaat, am Aku pana mampalugut ra baalon Kuno.

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

MAZMUR 80:15

Ratong No ramon, iou Aki Kapuuno' Ondo' Maayo Kaga' Kuasa'. Ilai' akai no intor ra suruga'; ratong no am bayago' noyo ulun Muno!

MAZMUR 80:8

Patapulio' akai, iou Aki Kapuuno' Ondo' Maayo Kaga' Kuasa'. Pakaasi' no ramon maa' raginio maayag akai.

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

2 SAMUIL 7:10

Pinili' Ku noyo rondo' pagun tayar ru ulun Kuno Israil, am pinaayan Ku ilo ra giu' no. Kalo boo uliponon ilo ru osoi pana. Intor ra ilo minayan ra pagun no, binulunsar ilo ru ulun malaat, kaa' intor raino baal raginio kalo boo rumuli'. Mambantu' Aku mangampin rirun intor ra pantula' muno am mangani' rirun ra papag.

JIRIMIA 1:14

Indagu Tuhan raki', “Karaat lumuab intor ra ralayo am lumumpa' ra ngaangai' mamagun ru pagun ti,

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 32:29

am solobon. Solobon nilo saboi makai' mababaya' ra baloi-baloi ru ulun ondo' napasingkual ra sangit Kuno. Giu' ra taap ru baloi solobon nilo kaminyan ra Baal am pasasaron wain koson pataakon ra dewa-dewa.

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

2 TUNUNG RU BANSA' ISRAIL 28:25

Nambaal io ra intok-intok sambaan ra sinungkalalaing giu' ra moonong bandar am pekan giu' ra Jiuda; monolob ulun ra kaminyan ra dewa ru bansa' ra bokon giu' ra rasawat ru altar-altar no. Koon raginio noyo io nangkinibit ra Tuhan, i Aki Kapuuno' ru kinamatuaan nano siminangit riso.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 40:3

Raino sinugut no ragu Nano. Ngaangai' no nasauk sabap ra bansa' muno makatula ra Tuhan am kalo giminagaya' Riso.

JIRIMIA 44:5

Kaa' marara' kau mangkirongog kapoam mampalio raginio. Marara' kau manatang ra baal malaat; rinayus min mampataak ra taak simbalui ra dewa-dewa.

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.