JIRIMIA 11:16 - Tanou Moonsoi Timugon

¹⁶ Nakaili' Aku nanginggalan risilo ra puun jaitun ondo' maawas raun, nototop ra kawa' ondo' moonsoi. Kaa' raino, ra bolos gogolon, solobon Ku raun-raun nano am pandakon Ku ngaangai' raan no.

JIRIMIA 11:16 ပူးပေါင်းရင်းမြစ်များ

AYUP 8:16

Ulun malaat tumuu' koson ra sakot ragana' ru mato ru orou, koson ra sakot ondo' timinuu' ra titikop ru taman.

MAZMUR 52:8

Ulun ra motopot malaa' magilong ra binaal koson raginio; makakurit ilo rirun, am mindagu,

MAZMUR 80:16

Bayago' noyo ulun Muno ondo' koson ra puun ru anggur tinanom Muli, am tutuu' bagu ondo' sinauk Mu ra mokotog.

MAZMUR 80:17

Puun no sinuruan am tinagar ru pantula' maino; polosoon noyo ilo maimbolo' ra sangit Muno!

MAZMUR 83:2

Iou Aki Kapuuno', kua pai' Kou paguta'; pai' pongkoror ayuk!

JISAYA 27:11

Bulintok raan ru puun no mapua' am mapandak, raan-raan no umungon ru ruandu'-ruandu' koson saukon ra luton. Sabap ra bansa' raginio kolondo' atan-atan pangaratian, i Aki Kapuuno' Namangun risilo kalo malubatan kapoam monogom risilo.

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

GOSIA 14:6

Tayar ru ulun ru Israil, koson Aku ra rasam ondo' mamasa' ra tana' ondo' mapua'. Mungkalar ilo koson ra busak, am koson ra puun tataun giu' ra Libanon ondo' malandom bakat nano.

MATIUS 3:10

Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin.

JUANIS 15:6

Osoi ayuk kalo rumondon Raki', patirin koson ra pango am mapua' io boo. Pango koson raginio luluron am suruin ayuk.

SAGULION 28:40

Puun-puun ru jaitun tumuu' ra titikop ru pagun min kaa' kalo makaalap kau ra umau no sabap matutu' kawa' no.

PINAINTALANG 11:4

Sasi' ra ruo ngaulun no soroi ra saang ru Tuhan ondo' manguasa' ra tana' ti, am ilo no koson ra ruo ngampuun jaitun am ruo lampung.