JIRIMIA 11:15 - Tanou Moonsoi Timugon

¹⁵ Indagu Tuhan, “Ulun Kuno ondo' tagamin Kuno nambaal ra baal mangalaat. Kalo maaya' ilo soroi giu' ra Baloi ru Tuhan. Indoson nilo ra mambaal ra bantu'-bantu', am mampataak ra bibiag, makapangiliu ilo ra karaat. Inda' nua' ru binaal raginio makaansuk ilo?

JIRIMIA 11:15 ပူးပေါင်းရင်းမြစ်များ

MAZMUR 50:16

Kaa' i Aki Kapuuno' mindagu ra ulun malaat, “Kolondo' kuasa' min mindagu ra ukum Kuno am mangatang ra pansusunuran ra nabantuan Kuno,

MAZMUR 60:5

Okou nangkinibit ra ulun Muno naimbolo' toojo, suku' akai kakasumpil koson ra nagauk.

AMSAL 10:23

Ulun sasambungon maansayan ra kalaatan; ulun mapintar maansayan ra kapintaran.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

AMSAL 2:14

Makaalap ilo ra kaansukan intor ra binaal nilo ra kalo matanda' am malaat.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

AMSAL 26:18

Ulun ondo' mamparuung ra ulun bokon, am mindagu ra mangkuli io ayuk koson ra ulun mantuyang ondo' mangkuli ra sinapang.

AMSAL 28:9

Amon ru kalo gumagaya' kau ra ukum, i Aki kapuuno' pana mataman ra pakiasian muno.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 12:7

Indagu Tuhan, “Iniruanan Ku Israil; inimpayan Ku bansa' pinili' Kuno. Pinataak Ku ulun ondo' tinagaman Kuno ra ralalom ru kalindu' ru pantula' nilo.

JIRIMIA 13:27

Nakakito Io ramuyun nambaal ra baal-baal ondo' kasisangin Nano. Nakakito Io ramuyun nangilou ra dewa-dewa giu' ra bulur am giu' ra padang, koson ra sangulun ungkuyon malaai ra andu' ru ulun bokon kapoam koson ra sanginan kuda gawayan makimampaa' ra kuda ruandu'. Mamagun kau ru Jirusalim, malumpa' kau ru karaat! Sanggilan kia akau maaya' sumambayang poyo Raki'?

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 2:2

mampatanou ra tanou ragitio ra ngaangai' ulun giu' ra Jirusalim, “Mamagun kau ru Israil, nakara' Ku ra mapara' boo gagaya' min paat ra akau lakat poyo mamulok, am mapara' boo gayo ru togom min Raki' paat ra akau nasauk ra ulun inuot ragili. Minaya' kau Raki' nansail ra tana' kaagisan, nansail ra tana' ondo' kolondo' poyo tinanaman.

JIRIMIA 23:11

Indagu Tuhan, “Nabi am imam marara' gumagaya' Raki'. Napandayan Ku nambaal ilo ra malaat am niayuk poyo giu' ra Baloi Kuno.

JIRIMIA 3:14

“Ulun kau ra kalo gumagaya', saguli' kano Raki'; akau longgom Kuno. Mangalap Aku ramuyun, sangulun intor ra moonong bandar, am ruo ngaulun intor ra moonong bansa', am Aku pana magibit ramuyun sumaguli' ra Bulur Sion.

JIRIMIA 3:8

Nakakito niayuk ri Jiuda ra inali am pinaugar Ku Israil, sabap ra nangiruan io Raki' am nasauk ra mantalan ra inan. Kaa' i Jiuda ondo' kalo gumagaya', pabukat ri Israil no, kalo malaa'. I Jiuda pana minaya' nasauk ra mantalan ra inan

GOSIA 3:1

Indagu Tuhan raki', “Ongoi poyo am kasaga' no ra sangulun ruandu' ondo' masaga' mansawa'. Tagami' noyo io koson ra Aku motogom ra ulun ru Israil, kabalu' pana nangiruan ilo noyo Raki' am siminamba ra tuhan-tuhan ra bokon, am niayuk masaga' mampataak ra kuui kismis ra sinungkalalaing.”

MATIUS 22:11

Paat ra raja' ti sumubol magilong ra tambului-tambului no, kakito no mokoondo' sangulun kalo nambayang ra bayang moonsoi.

LUKAS 8:28

Pakakito io ri Jisus golok io, am igulatur io ra saang Nano am indagu ra mosongou, “Jisus, Anak ri Aki Kapuuno' Ondo' Masawat Kaga'! Atan kitaakon Muno raki'? Pai' aku imboloo'!”

ROMA 11:28

Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai.

1 KORINTUS 13:6

Kalo kaansayin no kalaatan, kaa' maansayan io ra baal moonsoi.

TITUS 1:15

Ngaangai' niayuk karaan mapasau ru ulun ondo' mapasau guang, kaa' kolondo' rondo' pana karaan mapasau ru ulun ondo' malaat guang am kolondo' pangintapatan. Sabap ra pangkaraan am bolos ru guang nilo malaat ayuk.

JAKUBUS 4:16

Kaa' raino minsawat boo guang min am lumimbau kau ayuk. Ngaangai' ragu lumimbau ti kalo noyo moonsoi.