JIRIMIA 11:11 - Tanou Moonsoi Timugon

¹¹ Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 11:11 ပူးပေါင်းရင်းမြစ်များ

2 RAJA'-RAJA' 22:16

ragu ru Tuhan koon raginio, “Mangukum Aku ra Jirusalim am niayuk ngaangai' ru mamagun nano koson ra ondo' tinulisan ralalom ru kitab ondo' binasa' ru raja'.

2 TUNUNG RU BANSA' ISRAIL 34:24

ra ragu ru Tuhan ragitio, “Ukumin Ku Jirusalim am niayuk ngaangai' mamagun no ra ulas ondo' tinulisan ra ralalom ru kitab ondo' binasa' ra raja'.

AYUP 35:13

Kolondo' onong ilo gumolok ra makai' ikang; i Aki Kapuuno' Ondo' Maayo Kaga' Kuasa' kalo magilong kapoam mangkirongog risilo.

MAZMUR 18:41

Okou nangkinibit ra pantula' kuno nagiru' intor raki'; pusoon ku ulun ondo' masisang raki'.

MAZMUR 66:18

Amon polosoon ku tula ralalom ru guang kutu, maaru' kalo iningon aku ru Tuhan.

AMSAL 1:28

Bulintok raginio mampiau kau raki', kaa' kalo taamon takamin. Maguyum kau raki' ra ati-ati ayuk kaa' kalo matuum min aku.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JISAYA 24:17

Rongogo' noyo, alii ra ngaangai' ulun! kalaanan, luang, am jajaling ragino ti maginaa ramuyun.

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JIRIMIA 15:2

Amon ru mangkuot ilo rirun ra intok musiti' ilo mongoi, taamo' koson ragitio, ‘Indagu Tuhan, ulun ondo' inaru' matoi sabap ra maruol, polosoon noyo ilo matoi sabap ra maruol! Ulun ondo' inaru' matoi ralalom pangayawan, polosoon noyo ilo matoi ralalom pangayawan! Ulun ondo' inaru' ra matoi sabap ra bitilan, polosoon noyo ilo matoi ra bitilan! Ulun ondo' inaru' masauk ra ulun rinakop, polosoon noyo ilo auton koson ra ulun rinakop!’

JIRIMIA 18:11

Raino balai' ulun ru Jiuda am mamagun ru Jirusalim ra tatanga' Aku mangatang koson manggal risilo, am mampatampos ra ukuman risilo. Susubo' ilo mompolonggo' ra baal ru bayag ondo' makatula, am niayuk mangulau ra paliso am binaal nilo.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 19:3

Nanusub Tuhan raki' mindagu koson ragitio, “Raja' kau ru Jiuda am mamagun ru Jirusalim! Rongogo' atan ondo' masaga' Kuno, Tuhan Ondo' Maayo Kaga' Kuasa', i Aki Kapuuno' ru Israil, paraguon ramuyun. Mamparatong Aku ra karaat ondo' makalalaa' ra intok ragitio saboi ulun ondo' mangkirongog no makatigog.

JIRIMIA 23:12

Ginio ra, ralan ondo' binayaan nilo malamog am molondom; mangkinibit Aku risilo makasaru am maratu'. Mamparatong Aku ra karaat risilo, ra masaboi paat no koson mangukum risilo. Aku, Tuhan, nakaindagu noyo.

JIRIMIA 25:35

Maaru' kalo makapagiru' kau.

JIRIMIA 35:17

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, mamparatong ra karaat ondo' binantu' Kuli ramuyun, mamagun ru Jiuda am Jirusalim. Baalon Ku gitio sabap ra marara' kau rumongog paat ra Aku mindagu, am marara' kau tumaam paat ra Aku mampiau.”

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

SULABOI 2:22

Piniau Mu pantula' kuno mambaal ra bunsag ru kalaatan ra libung kuno; kolondo' sangulun pana makapamayag ra inan paat ra orou Okou sumangit. Pinatoi nilo anak-anak kuno ondo' inalungan am tinagaman kuno.

YEHEZKIEL 14:3

“Okou ulun mapandai matoi, ngaangai' ru ulun ti nangintopot noyo ra sinungkalalaing saboi ilo naratu' ralalom ru tula. Indoson nilo kia ra tumaam Aku ra pangkuatan nilo?

YEHEZKIEL 7:5

Gitio noyo ondo' rinagu ru Tuhan Raja', “Karaat mansusunu' palumpaan rirun.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

MIKA 3:4

Nasaboi noyo paat ra akau mampiau ra Tuhan, kaa' kalo tumaam Io. Kalo mangiou Io ra pakiasian min, sabap nambaal kau noyo ra kalaatan.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.