JIRIMIA 11:10 - Tanou Moonsoi Timugon

¹⁰ Nambaal ilo ra tula ondo' binaal ru kinamatuaan nilai ondo' marara' gumagaya' Raki'; sinamba nilo tuhan-tuhan ra bokon. Israil am poyo Jiuda minanggal ra nabantuan ondo' binaal Kuno ra kinamatuaan nilai.

JIRIMIA 11:10 ပူးပေါင်းရင်းမြစ်များ

MAZMUR 78:57

Lumaat ilo am kalo gumagaya' koson niayuk ra kinamatuaan nilai; koson ra panah napikong, kalo malansanan ilo.

JISAYA 24:5

Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

JIRIMIA 13:10

Bansa' ondo' malaat ti marara' gumagaya' Raki'. Lakat ilo poyo bambalingatan am malaat koson ragili. Sumambayang ilo am mangandoi ayuk ra tuhan-tuhan ra bokon. Ginio noyo sabap ra ilo masauk koson ra tapi' mariwa' ondo' kolondo' onong no.

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 22:9

Tumaam ilo boo ra ngaangai' no nasauk sabap ra akau kalo siminugut ra nabantuan min am Aku, i Aki Kapuuno' min, am siminamba am nangandoi ayuk ra tuhan-tuhan ra bokon.”

JIRIMIA 31:32

Nabantuan no sala' ka koson ra nabantuan ondo' binaal Kuno ra kinamatuaan nilai paat ra Aku nagibit risilo miningkual intor ra Misir. Kabalu' pana koson Aku ti ra sangulun ralaki risilo, kaa' inanggal nilo nabantuan Kuno risilo.

JIRIMIA 44:16

“Marara' akai mangkirongog ra ragu ondo' raguon muno ra ralalom inggalan ru Tuhan.

JIRIMIA 44:5

Kaa' marara' kau mangkirongog kapoam mampalio raginio. Marara' kau manatang ra baal malaat; rinayus min mampataak ra taak simbalui ra dewa-dewa.

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

YEHEZKIEL 16:59

Indagu Tuhan Raja', “Kalo namimii' pamakuan Kuno rirun, sabap ra liminungkang kou ra bantu'-bantu' muno am niayuk inanggal mu nabantuan ondo' binaal Kuno rirun.

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

YEHEZKIEL 5:6

Kaa' Jirusalim giminuor ra susuban Kuno, am nasingkual ra malaat poyo intor ra bansa'-bansa' ra bokon, mulu' poyo kalo gumagaya' intor ra pagun-pagun ra libung nano. Minanggal Jirusalim ra susuban Kuno am kalo gumagaya' ra ukum Kuno.

GOSIA 6:4

Kaa' indagu Tuhan, “Akau Israil am Jiuda, atan kia ondo' musiti' Kuno baalon ramuyun? Togom min Raki' mataki' lumiot koson ra makagaun kapoam bolobou bulintok ra mokorondom ra susuab ti.

GOSIA 6:7

Kaa' pakaayan kau ayuk ra tana' giu' ra Adam, liminungkang kau ra nabantuan Kuli ramuyun.

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

IMAMAT 26:15

Amon ru marara' kau maya' ra ukum am susuban Kuno, am niayuk kalo manugut ra nabantuan ondo' binaal Kuli ramuyun,

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

JAKARIA 7:13

Kalo tinaam Ku pakiasian nilo sabap marara' ilo rumongog paat ra Aku mindagu.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

SAGULION 9:7

Karaa' noyo ati kulaan akau nangkinibit ra Tuhan i Aki Kapuuno' min siminangit giu' ra tana' kaagisan. Intor ra akau nangiruan ra Misir saboi ra orou nasabayan min ragiti, giminuor kau Riso.

IBRANI 8:9

Nabantuan nakabagu no sala' ka koson ra bantu' Kuli ra kinamatuaan nilai ondo' ragili inibit Ku mingkual intor ra pagun ru Misir. Kalo giminagaya' ilo ra binantu' Kuli. Ginio nai ra pinoloso Ku ilo ayuk.

TINGGANAI RU BANSA' 2:11

Ulun ru Israil pana makatula ra Tuhan. Kalo boo sumamba ilo ra Tuhan i Aki Kapuuno' ru kinamatuaan nilo, iono i Aki Kapuuno' ondo' nagibit risilo miningkual intor ra Misir. Tumalimpuun ilo sumamba ra Baal am Asyitorit am niayuk dewa-dewa ondo' sinamba ru ngaangai' bansa' giu' ra libung nilo. Ginio ra siminangit Tuhan risilo am nopoloso ra mantatakou namulunsar am nantakou risilo. Kalo makalulu' ilo manggal ra pantula' ra libung nilo.

TINGGANAI RU BANSA' 2:17

Kaa' kalo lioon ru ulun ru Israil tingganai-tingganai no. Kalo giminagaya' ilo ra Tuhan; siminamba ilo ra tuhan ra bokon. Giminagaya' kinamatuaan nilai ra susuban ru Tuhan, kaa' sukor bagu kalo nambaal koson raginio.

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.