JIRIMIA 10:7 - Tanou Moonsoi Timugon

⁷ Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 10:7 ပူးပေါင်းရင်းမြစ်များ

2 RAJA'-RAJA' 17:39

kaa' samba kano Raki', Tuhan, i Aki Kapuuno' min, mamayag Aku ramuyun intor ra pantula'.”

1 TUNUNG RU BANSA' ISRAIL 16:25

Tuhan no matulai, am musiti' omporon toojo; musiti' Io urumaton masailan poyo intor ra ngaangai' dewa.

ESTER 1:13

Mokoondo' raja' ra kaindalaman koson makitaak ra ginuang ru ulun mangapintar intor ra pangkuatan ru undang-undang am kaulayan. Ginio ra piniau ru raja' ulun-ulun maminson riso koson mangkuot ra atan ondo' musiti' baalon ralalom ru baal koson raginio.

MAZMUR 147:5

Mapara' piboo kinatulai am kinaikang ru Tuhan takau, kinapintar Nano kolondo' polos.

MAZMUR 22:28

Ngaangai' bansa' mangkara' ra Tuhan am sumaguli' Riso; ngaangai' tayar ru bansa' sumamba Riso.

MAZMUR 47:3

Tuhan Ondo' Masawat Kaga' musiti' kalaanin; Raja' ondo' matulai ra titikop ru tana' ti.

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 76:7

Bulintok ra Okou mangingilaa', iou Aki Kapuuno' ri Jakub, kuda am niayuk nangura' riso no maratu' am matoi.

MAZMUR 86:8

Kolondo' tuhan koson Rirun, iou Tuhan, kolondo' makabaal koson ra binaal Muno.

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

MAZMUR 89:6

Ngaangai' suang ru suruga' mongompor ra kaimuagan ondo' binaal muno, am marimbai ra gagaya' Muno, iou Tuhan.

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

JISAYA 2:4

Akimin No ngaangai' bansa' am manalasai ra pansasangaran nilono. Ilang nilo saukon ra radu', am tanggulan saukon ra pais pamutul. Ngaangai' bansa' kalo boo mangayou am kalo boo tumampos mongoi pamulunsar.

JIRIMIA 10:6

Iou Tuhan, Okou kolondo' pogondo'; maikang Kou toojo, inggalan Muno matulai am makakuasa'.

JIRIMIA 5:22

Aku no Tuhan; kua pai' kau kalaa' Raki'? Kua pai' kau ponontol ra saang Kuno? Saukon Ku nagas koson ra balitan ru raat ondo' kalo masailan ra sabuoi-buoi no. Raat pana makakinulun am kinulun rumulun ra manggayo, kaa' kalo makasail ra balitan no.

DANIL 2:27

Taam i Danil, “Kolondo' ulun makakapandayan, ulun mapandai kaga' ra sihir, ulun mangilong am ulun mapandai kaga' ra nujum ondo' makapambaal raginio.

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

ABAKUK 3:2

Iou Tuhan, nokorongog aku no ra intor ra binaal Muno, guang kuno natikop ra imuag. Gama' ru baalon Mu poyo binaal Muno ondo' makaimuag ra paat maiti. Pakaasi' no ramon kabalu' pana sumangit Kou.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

LUKAS 12:5

Tuluin takamin osoi kalaanin. Kalaa' kano ri Aki Kapuuno' sabap ra mopongo mamatoi, makakuasa' poyo mamatir ra ambiluo ru ulun ra naraka! Balain takamin toojo, kalaa' kano Riso!

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

JOSUA 4:24

Ra sauk raginio, ngaangai' ulun ru tana' makapandai ra mapara' gayo ru kuasa' ru Tuhan. Ginio ra mangurumat kau ra Tuhan i Aki Kapuuno' min ra sabuoi-buoi no.”

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”