JIRIMIA 10:6 - Tanou Moonsoi Timugon

⁶ Iou Tuhan, Okou kolondo' pogondo'; maikang Kou toojo, inggalan Muno matulai am makakuasa'.

JIRIMIA 10:6 ပူးပေါင်းရင်းမြစ်များ

2 SAMUIL 7:22

Matulai Kou kaga', iou Tuhan Raja'! Okou kolondo' pogondo'; intor ragili nakapandai akai ra Okou noyo rorondo' i Aki Kapuuno'.

1 TUNUNG RU BANSA' ISRAIL 16:25

Tuhan no matulai, am musiti' omporon toojo; musiti' Io urumaton masailan poyo intor ra ngaangai' dewa.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

NIGIMIA 9:32

“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.

MAZMUR 145:3

Tuhan no matulai am maaya' omporon toojo, katulayan Nano kalo maratian takau.

MAZMUR 147:5

Mapara' piboo kinatulai am kinaikang ru Tuhan takau, kinapintar Nano kolondo' polos.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 48:1

Mazmur ru bansa' ri Kora.

MAZMUR 96:4

Tuhan no matulai am musiti' Io omporon kasawato', musiti' Io urumaton makasail poyo intor ra ngaangai' ru dewa.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

KAINGKUALAN 8:10

Taam raja' no, “Pakiasi' noyo ra bala kuno ra susuab no.” Indagu i Musa, “Makiasi' aku koson ra kitaak muno raja', am makapandai kou raja' boo ra kolondo' koson ra Tuhan i Aki Kapuuno' mai.

KAINGKUALAN 9:14

Raino ti mangukum Aku sala' ka ayuk ra pagawai muno am mamagun muno, kaa' okou niayuk, maa' raginio makapandai kou ra kolondo' osoi pana ondo' koson Raki' ra titikop ru tana' ti.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

JISAYA 40:25

Osoi kia maalap min pogondoo' ri Aki Kapuuno' Ondo' Matulai Kaga'? Mokoondo' kia mogondo' koson Riso?

JISAYA 46:5

“Osoi kia pogondoon min Raki'? Mokoondo' kia osoi mokogondo' Raki'?

JISAYA 46:9

Karaa' noyo kasaukan-kasaukan ra galing i; Iowo' noyo ra Aku i Aki Kapuuno', am kolondo' bokon, Aku i Aki Kapuuno' am kolondo' mokogondo' Raki'.

JIRIMIA 10:16

Aki Kapuuno' ri Jakub sala' ka koson ra sinungkalalaing raginio; Io noyo namangun ra ngaangai' no. Nampili' Io ra Israil nasauk ra ulun Nano. Tuhan Ondo' Maayo Kaga' Kuasa' noyo inggalan Nano.

JIRIMIA 32:18

Nampakito Kou ra togom Muno ondo' mantilayun ra riribu ulun, kaa' nangukum Kou niayuk ra ulun sabap ra tula ru matuo nilo. Okou noyo i Aki Kapuuno' ondo' matulai am maikang toojo; Okou no Tuhan Ondo' Maayo Kaga' Kuasa'.

DANIL 4:3

“Mapara' kia gayo ru kaimuagan ondo' pinakito ri Aki Kapuuno'! Mapara' kia' gayo ru kaimuagan ondo' binaal Nano! I Aki Kapuuno' noyo raja' ra sabuoi-buoi no; mamarinta Io ra kolondo' pupus.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

SAGULION 32:31

Nakapandai pantula' ru Israil ra mangampin risilo malawo, kalo mapanggol koson ri Aki Kapuuno', Manindung ru Israil.

SAGULION 33:26

Akau ulun ru Israil, kolondo' ondo' koson ri Aki Kapuuno' mino, ondo' marapas ra limbowon ra katulayan, am mujak ra gaun koson mangindangan ramuyun.