JIRIMIA 10:25 - Tanou Moonsoi Timugon

²⁵ Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

JIRIMIA 10:25 ပူးပေါင်းရင်းမြစ်များ

AYUP 18:21

Ginio noyo pupus ru ulun malaat, ilo ondo' kalo mampalio ri Aki Kapuuno'.”

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

MAZMUR 147:20

Kalo baalon No koson raginio ra bansa' ra bokon; kalo makaulig ilo ra ukum Nano. Omporo' noyo Tuhan!

MAZMUR 27:2

Bulintok ra ulun malaat mongoi bulunsar kinam pampatoi raki', makasaru ilo am maratu'.

MAZMUR 69:24

Polosoon noyo mato nilono mobolou; polosoon noyo baluntur nilono malawui.

JISAYA 43:22

Tuhan mindagu, “Kaa' akau Israil, nasuraan kano Raki', kalo boo sumamba kau Raki'.

JISAYA 64:7

Kolondo' osoi pana makiasi' Rirun. Kolondo' osoi pana minggaar Rirun koson makiindangan. Nansibuni Kou intor ramon, am mopoloso ramon mapuso sabap ra tula mai.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JIRIMIA 11:1

Indagu Tuhan raki',

JIRIMIA 30:16

Kaa' raino ngaangai' ondo' monolon ramuyun tolonon, am ngaangai' pantula' min ibiton mugar koson ra ulun rinakop. Ngaangai' ulun ondo' nangimbolo' ramuyun imboloon, am ngaangai' ulun ondo' nantakou ramuyun takawin.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 50:7

Binulunsar ilo ru osoi ayuk ondo' nakakito risilo. Indagu pantula' nilo, ‘Ulun ragitio makatula noyo ra Tuhan. Ginio ra atan ondo' baalon takau kolondo' sala. Kinamatuaan nilai mangintopot ra Tuhan, am musiti' no ilo pana gumagaya' ayuk Riso.’

JIRIMIA 8:16

Soroi noyo pantula' giu' ra bandar Dan; gala' ru kuda nilo morongog noyo. Titikop ru pagun mangalaa' paat ra kuda nilo mampagala'. Pantula' nakaratong noyo koson mamuso ra titikop ru pagun takau, am niayuk bandar takau am niayuk ngaangai' ru mamagun nano.”

SULABOI 2:22

Piniau Mu pantula' kuno mambaal ra bunsag ru kalaatan ra libung kuno; kolondo' sangulun pana makapamayag ra inan paat ra orou Okou sumangit. Pinatoi nilo anak-anak kuno ondo' inalungan am tinagaman kuno.

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

JIPANYA 3:8

Indagu Tuhan, “Kaa' ilai' min! Inaani' ayuk orou ra Aku kumakat koson ra sasi' koson manguu' ra bansa'-bansa'. Namatas Aku noyo koson manimung ra bansa'-bansa' am pamarintaan-pamarintaan maa' raginio makalumpa' Ku sangit Kuno risilo. Titikop ru tana' ti pusoon ra apui ru sangit Kuno.

JAKARIA 1:15

Kaa' siminangit Aku kaga' ra bansa'-bansa' ondo' makaliman ra moonsoi am mamimio. Paat ra Aku nongorot ra sangit Kuno ra ulun Kuno, bansa'-bansa' no namparuang ra kaimbalaan ru ulun Kuno.

JUANIS 17:25

Ama' ra motopot, kalo mauligan Kou ru ulun ru tana' ti, kaa' Aku makaulig Rirun, am ngaangai' ulun ragitio niayuk nakapandai ra Okou no nanusub Raki'.

RINALATAN 17:23

Paat ra aku minugar-ugar ra bandar min ti am minongoi pagilong ra intok sambayangan mino, mokoondo' tinulisan nauma' ku ra rondo' panimbaluyan ra taak mino, ioginio: ‘Intok sambaan ri Aki Kapuuno' Ondo' Kalo Nauligan’. Kabalu' pana kalo nauligan min ondo' sambaan min ti, kaa' ginio noyo ondo' raino pabalaan kuno ramuyun.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

1 TISALONIKA 4:5

Pai' kano baya' ra kinibit lumapau, koson ra ulun ondo' kalo makaulig ri Aki Kapuuno'.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

PINAINTALANG 16:1

Pokorongog aku boo ra bolos mosongou intor ra Baloi Tuhan minindagu ra tulu' malaikat no, “Ugar no am pasasaro' suang ru sangkir ru sangit am ukum ri Aki Kapuuno' no ra tana'!”