JIRIMIA 10:19 - Tanou Moonsoi Timugon

¹⁹ Pompogolok mamagun ru Jirusalim, “Malandom pilat maiti! Pilat maiti kalo mapali'. Ragili indoson mai ra kaimbalaan ti masaanan mai, kaa' sotopot no kalo.

JIRIMIA 10:19 ပူးပေါင်းရင်းမြစ်များ

MAZMUR 39:9

Palabuso' aku intor ra nansalinut tula kuno, am pai' aku polosoo' iison ru ulun sasambungon.

MAZMUR 77:10

Nalilianan kia ri Aki Kapuuno' makaasi' ritakau? Siminangit Io kia, saboi kalo boo makaasi'?”

JISAYA 8:17

Nansibuni Tuhan no intor ra ulun Nano, kaa' mangintopot aku am malansan Riso.

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 8:21

Natutuk guang kutu sabap ra natutuk bansa' kuno; mangulir aku, nasindualan kaga' guang kuno.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 3:48

Lomou kuno tumilis koson ra sungoi sabap ra bansa' kuno natutuk noyo.

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.