Solobon Ku kuil-kuil ru dewa Misir, am raja' ru Babilonia pana monolob ra dewa-dewa nilo kapoam ibiton ngaangai' no ra intok ra bokon. Koson ra sangulun magagalung mamasau ra bayang nano intor ra kutu, koon raginio niayuk ra raja' ru Babilonia mamasau ra Misir am mugar mabaya' ra kamanangan.
Indagu Tuhan Raja', “Pusoon Ku sinungkalalaing no am dewa-dewa giu' ra Mimpis. Kolondo' boo raja' ondo' mamarinta giu' ra Misir am baalon Ku ngaangai' ulun malaa'.
Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.
Paat ra suabon raginio iosusuab, nakito nilo sinungkalalaing no naratu' poyo ra saang ru Kaban Nabantuan. Raino ti ulu ru sinungkalalaing no am karuruo longon nano naputul am nakabanta' ra kulobon no; inan ayuk boo ru sinungkalalaing no lakat poyo soroi. (