JIRIMIA 1:18 - Tanou Moonsoi Timugon

^18-19 Okou Jirimia, rongog no! Anggalon kou ru ngaangai' mamagun ru pagun ti, ioginio raja'-raja' ru Jiuda, pagawai-pagawai ru pamarintaan, imam-imam am mamagun. Kaa' paat ra orou raiti' mangani' Aku rirun ra kaikangan koson manggal risilo. Masauk kou koson ra bandar mokoondo' ra kubu, koson ra lugu' basi', am koson ra timbok tambaga'. Kalo makapangala ilo rirun, sabap mabaya' Aku rirun koson manindung rirun. Aku Tuhan, nakaindagu noyo.”

JIRIMIA 1:18 ပူးပေါင်းရင်းမြစ်များ

JISAYA 50:7

Sabap ra Tuhan i Aki Kapuuno' mangindangan raki', aku pana kalo tauyuon. Ikangon ku guang kuno koson mongorot; makapandai aku ra kalo tauyuon aku.

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

JIRIMIA 15:10

Aibui boo raki' ti! Kua kia anako' aku ri ina' kuli? Makimansangor aku kalalaat am makimagansang kalalaat ra moonong ulun ra pagun ti. Kabalu' pana kalo igondo' aku nampaira' kapoam nagira' ra ruit, kaa' ulason aku ru ngaangai' ulun.

JIRIMIA 15:20

Saukon Tokou koson ra timbok gangsa' risilo. Manggal ilo rirun, kaa' kalo makapangala rirun. Mabaya' Aku rirun koson manindung am mamayag rirun.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

JIRIMIA 21:4

mambala' ra Raja' Jidikia ra Tuhan, i Aki Kapuuno' ru Israil, minindagu koson ragitio, “Jidikia, kalaan Ku pulalai muno ondo' tatanga' mangayou mampatoi ra raja' ru Babilonia am pulalai nano. Patunturon Ku ngaangai' kinandoi ru saujor muno giu' ra tatanga' ru bandar.

JIRIMIA 26:24

Kaa' inindangan aku ri Agikam anak ri Sapan, ginio ra kalo pinataak aku ra mamagun koson potoyon.

JIRIMIA 34:3

Kalo makapagiru' kou; rokopon am pataakon kou riso. Makauma' kou riso am okou galama' mindagu riso; okou pana mongoi ra Babilonia.

JIRIMIA 37:7

mindagu ra Raja' Jidikia, “Saujor ru Misir tatanga' matong mangindangan rirun, kaa' muli' ilo.

JIRIMIA 38:18

Kaa' amon ru kalo makirakop kou, bandar ti pataakon ra ulun ru Babilonia. Solobon nilo bandar ti, am kalo makapagiru' kou intor risilo.”

JIRIMIA 38:2

ragu ru Tuhan, “Osoi ayuk mayan ra ralalom ru bandar ti matoi ralalom ru pangayawan, kapoam sabap ra bitilan, kapoam sabap ra maruol tumapik. Kaa' osoi ayuk mingkual am makirakop ra ulun ru Babilonia kalo potoyon; maa' ak ra io no maayag.”

JIRIMIA 42:22

Ginio ra karaa' noyo: matoi kau ralalom pangayawan, kapoam sabap ra bitilan, kapoam maruol tumapik ra pagun ondo' kasagaan min mayan.”

JIRIMIA 6:27

Kopongo raginio indagu Tuhan ri Jirimia, “Kinami' noyo ulun Kuno, koson ra okou nangkinam ra basi'. Imumuyi' paliso nilo!

JUANIS 1:42

Ibito' no boo i Simon ri Jisus. Tantangi' ri Jisus i Simon, am indagu, “Inggalan muno i Simon anak ri Juanis, kaa' piawon kou poyo ri Kaipas.” (Kaipas nogondo' ra Pitrus, arati' nano ‘bulur batu’.)

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.