JIRIMIA 1:17 - Tanou Moonsoi Timugon

¹⁷ Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

JIRIMIA 1:17 ပူးပေါင်းရင်းမြစ်များ

1 RAJA'-RAJA' 18:46

Paat raginio kuasa' ru Tuhan timinuun ra rasawat ri Ilia; pinabangkos no bayang nano ra awak, am pasimbul siminigulu ra Raja' Agab buoi nangkiralan saboi ra kulobon garabang ru bandar Jijriil.

2 RAJA'-RAJA' 1:15

Paat raginio niayuk malaikat ru Tuhan mindagu ri Ilia, “Tuun no mabaya' riso, am pai' kalaa'.” Ginio ra ongoi i Ilia nabaya' ra pagawai no, am uma' ra raja'.

2 RAJA'-RAJA' 4:29

Ponontong i Ilisa ri Gigaji am indagu, “Ribaki'! Ibito' jujuga' kuli am ugar no. Pai' uog manabi' ra osoi ayuk pana. Amon ru mokoondo' ulun manabi' rirun, kalo pana balasin. Ongoi rampus ra baloi nano am pabantaa' jujuga' kuno ra inan ru anak no.”

2 RAJA'-RAJA' 9:1

Paat raginio Nabi Ilisa nampiau ra sangulun intor ra nabi ondo' inila' nano intor ra pulalai ru nabi, am indagu io riso, “Tampos no am ongoi no ra Ramot giu' ra Giliad. Ibito' rarapu' makasuang ra umau jaitun.

AYUP 38:3

Raino, tampos no muma' Raki', am taamo' pangkuatan-pangkuatan Kutu.

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

KAINGKUALAN 7:2

Balai' i Arun ra ngaangai' ondo' nanusuban Kuno rirun. Susubo' noyo io mambala' ra raja' maa' raginio mangiou ra ulun ru Israil manatang ra pagun nati.

JIRIMIA 1:18

Okou Jirimia, rongog no! Anggalon kou ru ngaangai' mamagun ru pagun ti, ioginio raja'-raja' ru Jiuda, pagawai-pagawai ru pamarintaan, imam-imam am mamagun. Kaa' paat ra orou raiti' mangani' Aku rirun ra kaikangan koson manggal risilo. Masauk kou koson ra bandar mokoondo' ra kubu, koson ra lugu' basi', am koson ra timbok tambaga'. Kalo makapangala ilo rirun, sabap mabaya' Aku rirun koson manindung rirun. Aku Tuhan, nakaindagu noyo.”

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JIRIMIA 23:28

Nabi ondo' naginupi musiti' no mindagu, ‘Ginio inupi ayuk.’ Kaa' nabi ondo' nangapu ra tanou intor Raki' musiti' mampasaboi ra tanou no ra sotopot no. Atan kia rami no amon ru pinogondo' ra gandum!

JIRIMIA 26:12

Aku pana mindagu, “Nanusub Tuhan raki' mampatanou ra ngaangai' tanou ondo' manggal ra Baloi ru Tuhan am bandar ti koson ra ondo' norongog min noyo.

JIRIMIA 26:2

indagu Tuhan raki', “Ongoi no bigor giu' ra liliut ru Baloi Kuno am indagu no ra ulun intor ra bandar-bandar ru Jiuda ondo' matong sumambayang ra giu' no. Potonowo' noyo ngaangai' ondo' nanusuban Kuno rirun. Pai' tatango' rondo' ragu pana.

JIRIMIA 36:8

Ginio ra binasa' ri Baruk ragu ru Tuhan no giu' ra ralalom Baloi ru Tuhan topot koson ra nanusuban kuno.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

JUNUS 3:2

Indagu Tuhan, “Ongoi no ra Niniwi, bandar maayo no. Balai' mamagun ru bandar no ra tanou ondo' taakin Ku rirun ti.”

LUKAS 12:35

“Tampos kano manguma' ra atan ayuk ondo' maaru' masauk, koson ra ulun mambayang am mansikit ra lampung.

RINALATAN 20:20

Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

1 KORINTUS 9:16

Kalo maaya' aku lumimbau amon ru mampabala' aku ra Tanou Moonsoi, sabap ra aku ti sinusub ri Aki Kapuuno'. Mapara' boo usung kuno amon ru kalo mampatanou aku ra Tanou Moonsoi no.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 PITRUS 1:13

Sabap ra ngaangai' ondo' binaal ri Aki Kapuuno' no ramuyun, kasalok pororoo' pangkaraan min. Pagilalai' min noyo am poyo lansan kano toojo ra kataawan ri Aki Kapuuno' ramuyun paat ra papaintalangan ri Jisus Kristus.