JIRIMIA 1:16 - Tanou Moonsoi Timugon

¹⁶ Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 1:16 ပူးပေါင်းရင်းမြစ်များ

2 RAJA'-RAJA' 22:17

Nangimpai ilo Raki' am nampataak ra taak simbalui ra tuhan-tuhan ra bokon. Napasingkual ilo ra sangit Kuno sabap ra ngaangai' ru binaal nilo. Raino sumangit Aku ra Jirusalim, am sangit Kuno kalo lumonggo'-longgo'.

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

2 TUNUNG RU BANSA' ISRAIL 28:2

am minaya' ra ralan kaayagan ru raja'-raja' Israil. Nambaal Raja' Agas ra sinungkalalaing Baal intor ra logam.

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

2 TUNUNG RU BANSA' ISRAIL 7:19

Kaa' amon ru okou am mamagun muno kalo gumagaya' ra ukum am susuban ondo' tinaakan Ku noyo ramuyun, am sumamba ra tuhan-tuhan ra bokon,

JISAYA 2:8

Pagun nilono nososok ra sinungkalalaing, am sambaan nilo sinungkalalaing ra binaal nilo galama'.

JISAYA 37:19

am niayuk nonolob ra dewa-dewa nilono. Kaa' dewa-dewa no totopot kolondo' boo kuasa' sabap iono sinungkalalaing intor ra tataun am batu ondo' binaal ru ulun.

JISAYA 44:15

Ginio noyo sangulun makaalap ra tataun am santayaran no suruin, am santayaran tataun no baalon ra sinungkalalaing. Santayaran no baalon ra luton, moonsoi pandarangan kapoam panalaban ra ruti', am santayaran poyo baalon ra dewa ondo' sambaan nano.

JISAYA 65:3

Mangkinibit ilo ra tanduusin Ku sangit Kuno. Mapataak ilo ra taak simbalui giu' ra taman ru dewa-dewa am monolob ra kaminyan giu' ra altar-altar ru dewa.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 10:3

Ugama ru bansa'-bansa' raginio kolondo' toojo onong. Mantagar ulun ra sampuun tataun giu' ra kataunan; ukiron boo tataun no ru ulun manukang ra tataun ra kakamot pangukir,

JIRIMIA 11:12

Kopongo raginio mamagun ru Jiuda am Jirusalim mongoi pakiindangan ra tuhan-tuhan ra bokon ondo' sambaan nilo ra mampataak ra taak simbalui. Kaa' tuhan raginio kalo makaandar mamayag risilo paat ra karaat no matong.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 19:4

Baalon Ku gitio sabap ra bansa' ragitio nangiruan noyo Raki'. Nampajamol ilo ra intok ragitio ra nampataak ra taak simbalui ra dewa-dewa ondo' kalo nauligan nilo, kinamatuaan nilo, am raja'-raja' ru Jiuda. Tinotop nilo intok ti ra raraa' ru ulun ondo' kolondo' sala.

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

JIRIMIA 2:17

Israil, okou galama' nangkinibit ra baal ragitio nasauk rirun. Nangiruan kou Raki', Tuhan i Aki Kapuuno' muno, paat ra Aku naningganai rirun ralalom pangkiralanan muno.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 2:28

Ati kia sinungkalalaing dewa ondo' binaal min ni? Paat ra akau makakapaganan, pakibayag kau ra dewa-dewa no, amon ru totopot dewa no masaga'! Okou Jiuda, dewa muno masuang koson ra suang ru bandar mino!

JIRIMIA 4:12

kaa' bagiu' mapuor ondo' matong ra susuban ru Tuhan. Tuhan galama' ondo' mangukum ra ulun Nano.

JIRIMIA 4:28

Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

JIRIMIA 44:17

Mambaal akai ra ngaangai' baal ondo' raguon mai. Mampataak akai ra taak simbalui ra dewi mai, Raja' Ruandu' ru Suruga'. Mampataak akai ra wain riso, koson ramon, kinamatuaan maili, raja' mai, am tingganai-tingganai mai maindalom mambaal raginio giu' ra bandar-bandar Jiuda am giu' ra ralan-ralan ru Jirusalim. Paat raginio mokoondo' akai ra masuang akanon; langkaya' akai am kalo mapagon.

JIRIMIA 5:29

Kaa' Aku, Tuhan mangukum risilo sabap ra ngaangai' baal raginio; balasin Ku binaal ru bansa' ragitio.

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

JIRIMIA 51:17

Nagilong ra ngaangai' no, ulun nakasioro' am makaliman ra sasambungon; ulun ondo' nambaal ra sinungkalalaing napilat guang sabap ra dewa-dewa no kalo motopot am kalo maminawo.

JIRIMIA 7:17

Okou galama' nakakito ra binaal nilo giu' ra bandar-bandar Jiuda am giu' ra ralan-ralan ra Jirusalim!

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

YEHEZKIEL 16:18

Inalap mu bayang-bayang mokoondo' ra sulam ondo' pinataakan Kuno rirun am pinabayangan mu ginio ra sinungkalalaing. Sinungkalalaing no nampataakan muno ra umau jaitun am kaminyan ondo' inapu muno intor Raki'.

YEHEZKIEL 24:14

Aku, Tuhan Raja' nakaindagu noyo. Nasaboi paat nano ra Aku mimbuor. Kalo malilianan Ku tula muno kapoam makaasi' rirun. Ukumin kou sabap ra binaal Muno.” Tuhan Raja' nakaindagu noyo.

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 8:6

Sangulun manukang giu' ra Israil nambaal rondo' sinungkalalaing; sinungkalalaing no sala' ka i Aki Kapuuno'! Sinungkalalaing ru sapi' mas ondo' sambaan giu' ra Samaria no tutukon.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

RINALATAN 7:41

Pambaal ilo ra rondo' sinungkalalaing koson ra sapi' ungkuyon am pangani' ra taak ra binaal nilo raginio. Pambaal ilo poyo ra bunsag maayo koson mangurumat ra ondo' binaal nilo galama' ti.

SAGULION 28:20

“Amon nambaal kau ra malaat am mangimpai ra Tuhan, maparatong Io ra karaat, kajajawan am kapaganan ralalom ru ngaangai' kandoi min, saboi ralalom sangkinolor ayuk, mapuso kau kalingon.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

JOSUA 24:20

Amon ru mangiruan kau Riso am mangandoi ayuk ra tuhan-tuhan ru bansa' ru bokon, manggal Io ramuyun am mangukum ramuyun. Mamuso Io ramuyun, kabalu' pana ragili moonsoi Io ramuyun.”

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.