JIRIMIA 1:15 - Tanou Moonsoi Timugon

¹⁵ sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 1:15 ပူးပေါင်းရင်းမြစ်များ

JIRIMIA 43:10

Kopongo raginio balai' ilo ra Aku, Tuhan Ondo' Maayo Kaga' Kuasa', i Aki Kapuuno' ru Israil, magibit ra ulipon Kuno, Raja' Nibukadnijar intor ra Babilonia, mongoi ra intok ragitio. Mambaal io turungan ru raja' giu' ra rasawat ru batu-batu ondo' tinanom muno, am pabingkalon no kim ru raja' ra intok raginio.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

JIRIMIA 4:16

Mampakara' ilo ra bansa'-bansa' am mambala' ra mamagun ru Jirusalim ra pantula' tatanga' matong intor ra pagun ondo' maalur. Pantula' gumolok koson manggal ra bandar-bandar Jiuda

JIRIMIA 39:3

Paat ra Jirusalim ginaau, ngaangai' pagawai masawat ru raja' ru Babilonia minatong am nanturung giu' ra Kulobon Garabang Tanga'. Ilo iono Nirgal-Sarijir, Samgar-Nibo, Sarsikim, ulun manalingapu ra istana, am i Nirgal-Sarijir Rabmag.)

JIRIMIA 10:25

Paabuso' noyo sangit Muno ra bansa'-bansa' ondo' kalo sumamba Rirun, am ra ulun ondo' nangimpai Rirun. Pinuso nilo ulun Muno; tinutuk nilo akai lingono' am namuso ra pagun mai.

JISAYA 22:7

Limayak-limayak Jiuda ondo' malabung no nososok ra kurita' kuda, am santimungan makakuda nakatampos ra saang ru kulobon-kulobon garabang ru Jirusalim.

SULABOI 5:11

Andu' mai sinawa' giu' ra Bulur Sion, ralaa mai rinulug giu' ra moonong bandar giu' ra Jiuda.

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 33:10

Indagu Tuhan, “Kon ru ulun ra intok ti koson ra tana' kaagisan, am kolondo' ulun kapoam bibiag ondo' minayan ragiti. Ragu nilo tojojo motopot, sabap ra bandar-bandar Jiuda am ralan-ralan giu' ra Jirusalim masiluk ngaangai' no; kolondo' ulun am bibiag ondo' minayan ra giu' no. Kaa' giu' ra intok-intok raginio morongog poyo

JIRIMIA 25:28

Amon ru marara' ilo mangalap ra sangkir no intor ra kalindu' muno am kalo inumon no, balai' ilo ra Tuhan Ondo' Maayo Kaga' Kuasa' nakaindagu noyo ra musiti' ilo manginum intor ra sangkir no.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 6:22

Indagu Tuhan, “Ulun matong intor ra rondo' pagun giu' ra ralayo; rondo' bansa' ondo' maikang giu' ra pagun maalur tatanga' tumampos koson mangayou.

JIRIMIA 5:15

Ulun kau ru Israil, tatanga' Tuhan mamparatong ra rondo' bansa' intor ra pagun maalur koson mamulunsar ramuyun. Bansa' no maikang kaga' am soroi noyo intor ra galing i poyo. Kalo maratian min ragu nilono.

JIRIMIA 4:6

Panulu' no ra ralan mongoi ra Sion! Ribaki' bayago' inan! Pai' kalibut! Tatanga' Tuhan maparatong ra karaat am kapusaan maayo intor ra ralayo.

JIRIMIA 13:20

Alii ra Jirusalim, ilai' ga! Pantula' muno tatanga' matong intor ra ralayo! Ati kia ulun ondo' musiti' min sindungin, ulun ondo' kalimbawan min kaga' no?

JIRIMIA 34:1

Minindagu Tuhan raki' paat ra Raja' Nibukadnijar intor ra Babilonia am saujor nano namulunsar ra Jirusalim am bandar-bandar giu' ra liliut no. Raja' no pinatoi ru saujor ru pagun-pagun am bansa'-bansa' ondo' ralalom ru kuasa' nano.

JIRIMIA 46:24

Mamagun ru Misir tauyuon, kinala ilo ru bansa' intor ra ralayo. Aku, Tuhan, nakaindagu noyo.”

YEHEZKIEL 32:30

“Ngaangai' ulun manguasa' ru pagun-pagun ralayo soroi ra giu', koon raginio niayuk ra ulun ru Sidon. Rondo' paat ragili kuasa' nilo nampatabual ra mampalalaa', kaa' raino minatoi ilo am tinauyu' nababaya' risilo ondo' minatoi ralalom pangayawan. Linobong ilo nababaya' ra ulun ondo' kalo makaulig ri Aki Kapuuno'. Nansaan ilo ra pagasaban ru ulun ondo' timinuun ra intok ru ulun minatoi.

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.

JAKARIA 6:6

Kurita' kuda ondo' binunduk ru kuda maitom sumuku' ra Babilonia giu' ra ralayo. Kuda mapulak sumuku' ra kalasaan am kuda ondo' tangkakalut sumuku' ra pagun giu' ra rabugus.