JIRIMIA 1:14 - Tanou Moonsoi Timugon

¹⁴ Indagu Tuhan raki', “Karaat lumuab intor ra ralayo am lumumpa' ra ngaangai' mamagun ru pagun ti,

JIRIMIA 1:14 ပူးပေါင်းရင်းမြစ်များ

JISAYA 14:31

Pompogolok no am pampiau no makiindangan, alii ra mamagun ru ngaangai' bandar ru Palistin! Musiti' monontol kau ngaangai' malaa', sabap ra kulampun ru kaau makapal masiob ru angin makito ra ralayo, tatandu' ratangan ru sampulalai ondo' maikang kaga'; kolondo' matalou ra sampulalai raginio.

JISAYA 41:25

Binuir Ku guang ru sangulun intor ra sirangon; kinibitin Ku io mongoi pamulunsar intor ra ralayo. Ngaangai' mangunguasa' kikinjangin no koson ra losok, koson niayuk ra sangulun manukang ra paliuk manginjang-nginjang ra tana' bandulan.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 31:8

Intor ra ralayo ibiton Ku ilo saguli', timungon Ku ilo intor ra pompor ru tana' ti. Ulun bolou am ulun kalo makalulu' maya' risilo, koon niayuk ra ruandu' maapang am ilo ondo' maar maganak. Sumaguli' ilo koson ra bansa' ondo' maayo.

JIRIMIA 4:6

Panulu' no ra ralan mongoi ra Sion! Ribaki' bayago' inan! Pai' kalibut! Tatanga' Tuhan maparatong ra karaat am kapusaan maayo intor ra ralayo.

JIRIMIA 46:20

Misir koson ra sanginan sapi' ondo' molomok, kaa' tininong ru pikot intor ra ralayo.

JIRIMIA 47:2

“Ilai' noyo, timug tatanga' manggayo giu' ra ralayo, am masakob koson ra sungoi manggayo. Timug no sumakob ra pagun am suang no, bandar-bandar am mamagun ra giu' no. Ulun gumolok makiindangan, moonong ulun ra tana' ti manulaboi.

JIRIMIA 50:41

“Ulun tatanga' matong intor ra ralayo, rondo' bansa' ondo' maikang intor ra pagun maalur; masuang raja' tatanga' tumampos koson mangayou.

JIRIMIA 50:9

Susubon Ku kukula' bansa' ondo' maikang intor ra ralayo, am mangkinibit risilo mamulunsar ra Babilonia. Banison nilo barisan ru saujor koson mangayou ra Babilonia, am mangala riso no. Ilo mampalula' ra matasik. Paat ra ilo mamanah, totopot panah nilo makatiu' ra tuma' no.

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

JIRIMIA 6:22

Indagu Tuhan, “Ulun matong intor ra rondo' pagun giu' ra ralayo; rondo' bansa' ondo' maikang giu' ra pagun maalur tatanga' tumampos koson mangayou.

YEHEZKIEL 1:4

Pantingaa' aku am nakakito ra bagiu' mapuor kaga' minatong intor ra ralayo. Ganit kukurilop intor ra gaun ondo' maayo kaga', am limbowon giu' ra liput nano mapaang kaga'. Bulintok ra ganit no kukurilop, makito rondo' ondo' kukuliat koson ra gangsa'.

YEHEZKIEL 24:3

Aku, Tuhan Raja' mokoondo' ra pagabigan koson posoboyon ra ulun Kuno ondo' masaga' gumuor: Parakano' pagangan ra rasawat ru apui, am totopo' pagangan ra timug.

JOIL 2:20

Painggaluron Ku pulalai ru gapu' ondo' minatong intor ra ralayo. Pagiruon Ku santayaran intor ra pulalai raginio giu' ra tana' kaagisan. Baris ra pagulu ru pulalai no pagiruon saboi malinjob giu' ra Raat Matoi, am baris ra tinaulian malinjob giu' ra Raat Tanga'. Gapu' ondo' minatoi masauk ra mootong. Pusoon Ku pulalai raginio sabap ra ngaangai' binaal nano ramuyun.

JAKARIA 6:6

Kurita' kuda ondo' binunduk ru kuda maitom sumuku' ra Babilonia giu' ra ralayo. Kuda mapulak sumuku' ra kalasaan am kuda ondo' tangkakalut sumuku' ra pagun giu' ra rabugus.