JIRIMIA 1:10 - Tanou Moonsoi Timugon

¹⁰ Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 1:10 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 19:17

Osoi ondo' makapagiru' intor ra ilang ri Gajail potoyon ri Jigu, am osoi ondo' mailiwan ru ilang ri Jigu potoyon ri Ilisa.

MAMPATANOU 3:3

paat ra mamatoi am paat ra mamabas, paat ra mamunsag am paat ra mambaal.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

JIRIMIA 24:6

Alungin Ku ilo am magibit risilo sumaguli' ra pagun ti. Baalon Ku ilo, am kalo lunsayon ilo; tolorogon Ku ilo am kalo bubulon ilo.

JIRIMIA 25:13

Ukumin Ku Babilonia ra ngaangai' karaat ondo' inatang Kuno koson palumpaan ra bansa'-bansa' paat ra Aku minindagu ondo' pinabala' galing ri Jirimia, iono ngaangai' karaat ondo' tinulisan ra ralalom ru kitab ti.

JIRIMIA 31:28

Koson ragili nagalung Aku koson mamubul, mampalunsai, mampaluir, mamuso am manutuk risilo, koson niayuk ra Aku magalung koson mopotolorog am mampabigor risilo saguli'.

JIRIMIA 31:40

Titikop ru limayak raginio, ondo' pakayon koson ra tana' kalabangan am intok pamatiran ra ginsamol, am ngaangai' umo giu' ra kiing ru Sungoi Kidron saboi ra Kulobon Garabang Kuda mongoi tampilon ra sirangon, patimpokon Raki'. Bandar Jirusalim kalo boo lunsayon kapoam pusoon.”

JIRIMIA 36:2

“Alapo' rondo' naskhah rinulun, am tulisi' ra giu' no ngaangai' ondo' rinagu Kuno rirun intor ra Israil am Jiuda, am niayuk ngaangai' bansa'. Tulisi' ngaangai' ondo' pinabala' Kuno rirun intor poyo ra Aku minindagu rirun ra kasaa', paat ri Josia nasauk ra raja' saboi raino.

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 45:4

Kaa' raino Aku, Tuhan, tatanga' mampalunsai ra atan ondo' binaal Kuno; tatanga' Aku mamubul ra atan ondo' tinanom Kuno. Baalon Ku ginio ra titikop ru tana' ti.

YEHEZKIEL 21:19

“Okou ulun mapandai matoi, lukiso' ruo ralan ondo' bayaan ru raja' ru Babilonia ondo' magibit ra ilang nano. Karuo-ruo ralan no tumalimpuun intor ra pagun ondo' nogondo'. Paatango' papan tatandu' giu' ra intok ru ralan no tumalimpuun mampango.

YEHEZKIEL 23:36

Indagu Tuhan raki', “Okou ulun mapandai matoi, nakatampos kono kia mangakim ri Ogola am Ogoliba? Sonsolo' ilo sabap ra nambaal ra ondo' makauyuyu'.

YEHEZKIEL 32:18

“Okou ulun mapandai matoi, panulaboi no ra tayar ru mamagun Misir ondo' masuang no. Atari' noyo ilo mababaya' ra bansa' ra bokon ondo' maikang ra intok ru ulun minatoi.

YEHEZKIEL 36:36

Bagu no makapandai bansa'-bansa' paginggaar ondo' lakat poyo maayag ra Aku, Tuhan nambaal saguli' ra bandar-bandar ondo' napuut am nangandoi saguli' ra tana' ondo' kolondo' tutuu'. Aku, Tuhan nambantu' mambaal raginio am maaru' baalon Ku ginio.”

YEHEZKIEL 43:3

Pinaintalang ragitio nogondo' koson ondo' nakito ku paat i Aki Kapuuno' namuso ra Jirusalim, am koson ondo' nakito ku giu' ra kiing ru Sungoi Kibar. Aku pana igulatur boo nokopolos ra tana'.

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”