JIPANYA 3:7 - Tanou Moonsoi Timugon

⁷ Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

JIPANYA 3:7 ပူးပေါင်းရင်းမြစ်များ

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

2 TUNUNG RU BANSA' ISRAIL 33:11

Ginio ra nompoloso Tuhan ra panglima-panglima ru saujor ru pagun ru Asyur namulunsar ra Jiuda. Rinakop nilo Raja' Manasi ra kaitan, binangkil io, am inibit io ra Babil.

AYUP 36:10

Binuir No ilo maa' raginio rumongog ra pampakaraan Nano, am maa' raginio mangiruan ra kalaatan nilo.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

AMSAL 19:20

Ulun ondo' masaga' mangkirongog ra bilin am masaga' migigila', masauk io ra mapintar ra tauli no.

JISAYA 5:4

Mokoondo' poyo kia baalon kuno, kaa' kalo poyo nabaal ku ra umo ru anggur kuno? Kua kia kataris kawa' ru anggur no, am sala' ka kawa' ra moonsoi koson ra kalansanan kuno?

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 25:5

Nanusub ilo ramuyun mangiruan ra baal ru kaayagan ondo' malaat am baal ondo' makatula, maa' raginio mamagun ra pagun ondo' tinaakan ru Tuhan ramuyun am kinamatuaan min koson ra longgom tungkuson.

JIRIMIA 36:3

Paat ra mamagun ru Jiuda nokorongog intor ra ngaangai' karaat ondo' porotongon Kuno risilo, maaru' lair langgain nilo mambaal ra malaat. Amon ru ginio poyo, Aku pana mangampun ra kalaatan am tula nilo.”

JIRIMIA 38:17

Balai' ku boo Raja' Jidikia ra Tuhan Ondo' Maayo Kaga' Kuasa', i Aki Kapuuno' ru Israil, minindagu koon ragitio, “Amon ru makirakop kou ra pagawai ru raja' ru Babilonia, maayag kou am bandar ti kalo solobon. Okou am sasambaloi muno maayag.

JIRIMIA 6:8

Alii ra Mamagun ru Jirusalim, polosoo' noyo kapaganan no masauk ra pampakaraan ramuyun! Amon ru kalo lioon min pampakaraan raginio, iruanin Takamin; kulawon Ku bandar min masauk ra tana' kaagisan ondo' kalo ayanin ru ulun.”

JIRIMIA 7:7

Amon ru mangulau kau ra baal ru kaayagan am paliso min am niayuk lumonggo' mambaal ra ngaangai' no, mangiou Aku ramuyun magulayun ayan ra pagun ti ondo' tinaakan Kuno ra kinamatuaan min koson ra tana' tungkuson.

JIRIMIA 8:6

Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

SAGULION 4:16

kalo makatula kau ra mambaal ra sinungkalalaing ra akau galama' ralalom ru atan pana baal no, iou pana ra baal ru ungkuyon kapoam ruandu',

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.