JIPANYA 3:5 - Tanou Moonsoi Timugon

⁵ Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

JIPANYA 3:5 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

AYUP 34:10

Akau ulun mapandai, rongog kano! Nambaal kia i Aki Kapuuno' Ondo' Maayo Kaga' Kuasa' ra baal ondo' nasala?

AYUP 7:18

Imumuyin Mu ulun ra moonong susuab ti, am mangkinam risilo ra moonong jam.

AYUP 8:3

Kalo igondo' i Aki Kapuuno' nampajajou ra katimpakan; kalo igondo' Io kaputat mambaal ra baal ondo' moonsoi.

MAZMUR 145:17

Matimpok toojo atan ayuk pana baalon ru Tuhan, am makaasi' Io ra atan ayuk pana baalon Nano.

MAZMUR 37:6

Io mamuun ra kinoonsoi muno makasinda koson ra mato ru orou paat ra tanga' ru orou.

MAZMUR 92:15

maaruan ra io no manangkawa' bulintok matutuo, am mantilayun ayuk raun no masansam am maikang.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 28:19

Moonong susuab ti karaat lumumpa' ramuyun, am orou rondom akau mansaan raginio. Monontol kau malaa' bulintok ra akau makarati' ra tanou ri Aki Kapuuno'.

JISAYA 33:2

Iou Tuhan, pakaasi' no ramon. Lumansan akai Rirun. Ampini' akai no moonong orou, am bayago' akai no bulintok ra akai makakapaganan.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JISAYA 50:4

Tuhan Ondo' Masawat Kaga' mangila' raki' makimansunur, maa' raginio ragu kuno mapaikang ra ulun maagui. Moonong susuab patirongon No gogoton kuno koson mangkirongog ra pangilaan Nano koson raki'.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

SULABOI 3:23

masalok baguon ra moonong susuab ti, sotopot no Io mampagagaya'!

YEHEZKIEL 18:25

“Kaa' kamin, ‘Binaal ru Tuhan kalo matimpok.’ Rongog kano, akau ulun ru Israil. Indoson min ra kalo matimpok Aku? Akau no ondo' kalo matimpok.

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

GOSIA 14:9

Ulun ru Israil mamatir ra ngaangai' sinungkalalaing; iowon Ku pakiasian nilo am magalung risilo. Koson ra puun tataun sumansam ayuk sindungin Ku ilo; Aku noyo puun ru ngaangai' barakat nilo.”

GOSIA 6:5

Ginio ra manusub Aku ra nabi-nabi Kuno koson mampasaboi ra tanou Kuno ramuyun ra akau musiti' ukumin am pusoon. Ondo' gogoton Kuno intor ramuyun nakatalang am makito toojo.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

ABAKUK 1:3

Kua polosoo' Mu aku makaliman ra kapaganan koson ragitio? Ati kulaan Kou tumaan guang ra ulun ondo' mambaal ra kalaatan? Katutukan am kalaatan masauk ra libung kuno. Pansangaran am pagansangan masauk ra ati-ati intok.

JIPANYA 2:1

Akau bansa' ondo' kalo mapandai mauyu', pakaliman kano

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JIPANYA 3:15

Linanggaan noyo ru Tuhan mangukum ramuyun; Pinagiru' No ngaangai' pantula' min. Tuhan, raja' ru Israil, mabaya' ramuyun, kolondo' boo ondo' mampakalalaa' ramuyun.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

JAKARIA 2:5

Tuhan nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

LUKAS 12:2

Atan ondo' nolopot bungkalaron am moonong ondo' kalo igondo' pinabala' pasalulaan.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

ROMA 3:26

Kaa' raino kalo boo polosoon No tula ru ulun koson mampakito ra kinabanis ru guang Nano. Ginio mampakito ra i Aki Kapuuno' motopot am mopobonsoi saguli' Io ra moonong ulun ondo' mangintopot ri Jisus.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

SAGULION 23:14

Alungi' noyo maa' raginio pangkiman min kalo majamol, sabap ra Tuhan i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra Tuhan mangiruan ramuyun.”

SAGULION 32:4

“Tuhan manaung ramuyun ondo' mapanggol, Io matanda' am matimpok ralalom ru ngaangai' baal; i Aki Kapuuno' min mampagagaya', kolondo' abau Riso, nambaal Io ra ondo' moonsoi am ondo' motopot.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.