JIPANYA 3:3 - Tanou Moonsoi Timugon

³ Tingganai-tingganai ru bandar no koson ra singa' ondo' mansasangal. Akim-akim no koson ra taani maitilan ondo' masuung kaga' saboi saputul bungul pana kolondo' ondo' natatang koson ra suabon no.

JIPANYA 3:3 ပူးပေါင်းရင်းမြစ်များ

AMSAL 28:15

Mangunguasa' ra malaat ondo' mangulipon ra ulun musikin koson ra singa' ondo' mansangal kapoam baawang ondo' mansaam.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 5:29

Ngaangai' saujor nilono sumingangal koson ra singa' mansaam am mantangag ra akanon nano masimbul maa' raginio kolondo' osoi-osoi mampagaau ra akanon no.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 23:11

Indagu Tuhan, “Nabi am imam marara' gumagaya' Raki'. Napandayan Ku nambaal ilo ra malaat am niayuk poyo giu' ra Baloi Kuno.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

YEHEZKIEL 22:6

Ngaangai' tingganai ru Israil lumansan ra kaikangan nilo galama' am namatoi.

YEHEZKIEL 33:26

Malansan kau ra ilang min. Binaal mino makauyuyu'. Akau ngaangai' nansawa'. Ati kulaan kau mangkara' ra tana' no longgom min?

ABAKUK 1:8

Kuda ru ulun Babilonia maribok poyo intor ra ampunguon am masangit poyo intor ra taani ondo' maitilan. Pulalai ru saujor mangkuda ru Babilonia matong intor ra pagun-pagun maalur; kuda nilo mokobolos ra kukurutuk. Pulalai saujor mangkuda matong mamulunsar koson ra susuit kanui manimpar ra ondo' akanon.