JIPANYA 3:20 - Tanou Moonsoi Timugon

²⁰ Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.

JIPANYA 3:20 ပူးပေါင်းရင်းမြစ်များ

MAZMUR 35:6

Polosoon noyo ralan nilono molondom am malamog, paat ra malaikat ru Tuhan mangilou risilo.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JISAYA 60:15

Okou kalo tatangon am kalo boo kasisangin, am kalo polosoon koson ra bandar ondo' nokoloso am masiluk. Saukon Tokou ra urumaton am maantak, intok kaansukan ra sabuoi-buoi no.

JISAYA 61:9

Papag nilono mauligan kaga' ra ati ayuk intok, anggagakon ra ginio ngai' ru bansa'; moonong ulun ra makakito makapandai ilo ra ilo noyo bansa' ondo' binarakat Kuno.”

JISAYA 62:12

Piawon kau ra “Ulun Ondo' Matulai”, “Ulun Ondo' Binayag ru Tuhan”. Jirusalim sabiton ra “Bandar Ondo' Tinagaman ri Aki Kapuuno'”, “Bandar Ondo' Kalo Iniruanan ri Aki Kapuuno'”.

JISAYA 62:7

Musiti' ilo marayus mapakara' Riso, saboi Io mapatapuli' ra Jirusalim, am saukon ginio ra bandar ondo' sasabiton ra titikop ra tana' ti.

JISAYA 66:22

Koson ra limbowon bagu am tana' bagu mantilayun sabap ra kuasa' Kuno, koson raginio niayuk ra papag mino am inggalan mino mantilayun.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 30:3

sabap ra paat no masaboi ra pulion Ku baal ru ulun Kuno, Israil am Jiuda. Ibiton Ku ilo sumaguli' ra pagun ondo' tinaakan Kuno ra kinamatuaan nilai. Molonggom nilo pagun no saguli'. Aku, Tuhan, nakaindagu noyo.”

JIRIMIA 33:9

Jirusalim masauk ra kaansukan, kaurumatan am kaansayin Kuno. Ngaangai' bansa' ra tana' ti malaa' am monontol, paat nokorongog ra ngaangai' moonsoi ondo' binaal Ku koson ra mamagun ru Jirusalim, am intor ra kalangkayaan ondo' pinataak Ku ra bandar ragitio.”

YEHEZKIEL 16:53

Indagu Tuhan ra Jirusalim, “Patapulion Ku kalangkayaan ru Sodom am pekan-pekan ra mamaar riso; koon niayuk ra Samaria am niayuk pekan-pekan ra mamaar riso. Okou pana saukon Ku ra langkaya'.

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

YEHEZKIEL 37:12

Ginio ra indagu no ra ragu manala' ra ulun Kuno, Israil, am balai' ilo ra Aku, Tuhan Raja' mangukab ra lobong nilo. Ingkualon Ku ilo intor ra giu' no am magibit risilo muli' ra pagun ru Israil.

YEHEZKIEL 37:21

Pambala' boo risilo ra Aku, Tuhan Raja' manimung ra ngaangai' ulun Kuno intor ra pagun-pagun intok inangayan nilo. Ibiton Ku ilo muli' ra pagun nilo galama'.

YEHEZKIEL 39:13

Moonong ulun giu' ra pagun no maya' mangindangan mompolobong ra baangkai, am aniin ilo ra urumat paat ra orou ru kamanangan Kuno. Aku, Tuhan Raja' nakaindagu noyo.

YEHEZKIEL 39:28

Makapandai boo ulun Kuno ra Aku Tuhan, i Aki Kapuuno' nilo. Makapandai ilo boo ra pinoloso Ku ilo pinatiran ra pagun ru ulun, kaa' timungon Ku niayuk ilo am ibiton ilo muli' ra pagun nilo galama', ra kalo tatangon sangulun pana giu' ra pagun namatiran.

JOIL 3:1

Indagu Tuhan, “Paat raginio patapulion Ku kalangkayaan ru Jiuda am Jirusalim.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

MIKA 2:12

Kaa' mampatimung Aku ramuyun, ulun Kuno Israil kau ngai' ondo' lakat poyo maayag. Manimung Aku ramuyun koson ra domba-domba ondo' muli' ra kandang. Koson ra padang ru sakot ondo' nososok ra domba, igondo' poyo pagun min mososok ra ulun.”

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.

JIPANYA 3:19

Masaboi paat no; ukumin Ku ulun nangimbolo' ramuyun. Bayagon Ku ulun kimpo', am ibiton muli' ulun ondo' pinatiran. Mangkinibit Aku ra ulun mangurumat risilo, saboi giu' ra titikop ru tana', kalo boo asabin ilo.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

JAKARIA 8:8

am magibit risilo sumaguli' intor ra sirangon am intor ra kalasaan, maa' raginio mayan ilo saguli' giu' ra Jirusalim. Masauk ilo ra ulun Kuno am Aku masauk ri Aki Kapuuno' nilo. Mamarinta Aku risilo ra motopot am matimpok.

MALIAKI 3:12

Akau pana raguon boo ra ondo' maansukan ru ngaangai' bansa', sabap ra pagun min masauk ra intok ayanan ondo' moonsoi.”

SAGULION 26:18

Paat ra orou raiti' niayuk Tuhan nangapu ramuyun koson ra ulun Nano galama' koson ra binantu' Nano, am nanusub Io ramuyun maa' raginio gumagaya' ra ngaangai' ukum Nano.

SAGULION 26:19

Mapasauk Io ramuyun ra mauligan kaga' poyo intor ra ngaangai' bansa' ra bokon ondo' sinauk Nano, am omporon am urumaton kau. Masauk kau ra ulun Nano, koson ondo' binantu' Nano.”