JIPANYA 3:15 - Tanou Moonsoi Timugon

¹⁵ Linanggaan noyo ru Tuhan mangukum ramuyun; Pinagiru' No ngaangai' pantula' min. Tuhan, raja' ru Israil, mabaya' ramuyun, kolondo' boo ondo' mampakalalaa' ramuyun.

JIPANYA 3:15 ပူးပေါင်းရင်းမြစ်များ

KASAUKAN 30:23

Kaapang io am paganak sangulun anak ungkuyon. Indagu io, “Pinuso ri Aki Kapuuno' no uyu' kuli ra nanaak Io raki' ra anak ungkuyon.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 19:9

Ukum ru Tuhan no motopot, mapabansuk ra guang. Panusuban ru Tuhan no matimpok, manaak ra pangaratian ra ulun.

MAZMUR 85:3

Inampun Mu tula ru ulun Muno; am ngaangai' sala nilono inampun Mu.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 51:22

Gitio noyo ragu ru Tuhan mino, Tuhan i Aki Kapuuno' noyo sumaung ramuyun, “Kaimbalaan ondo' pinataak Kuno ralalom sangit Kuno, alapon Ku sagulio' intor ramuyun. Guang kuno sumalui, am kalo pana boo saanin min.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

JISAYA 60:18

Kalaatan kalo boo maining, pagun muno kalo boo makaliman ra kapusaan. Koson ra timbok, manindung Aku am manungka' rirun; omporon mu Aku sabap ra Aku mamamayag rirun.

JISAYA 65:19

Aku galama' maantak guang sabap ra Jirusalim am mamagun nano. Giu' no kolondo' boo tinangian kapoam mampiau koson makiindangan.

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

YEHEZKIEL 35:10

Kamin karuruo bansa' no, Jiuda am Israil longgom min, am namagun kau ra tana' nilo, kabalu' pana Aku, Tuhan iono i Aki Kapuuno' nilo.

YEHEZKIEL 36:15

Pagun ti kalo boo asabin kapoam iison ru bansa'-bansa'. Pagun ti kalo boo mamuso ra mamagun nano. Aku, Tuhan Raja' nakaindagu noyo.”

YEHEZKIEL 39:29

Pasasaron Ku Ambiluo Kuno ra ulun ru Israil, am kalo boo iruanin Ku ilo. Aku, Tuhan Raja', nakaindagu noyo.”

YEHEZKIEL 48:35

Ngaangai' ru timbok no ra gawar 9 ngakilomito. Intor raino bandar no ininggalanan ra “Tuhan Soroi Ragiti!”

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

AMOS 9:15

Paayanon Ku ulun Kuno giu' ra pagun ondo' pinataak Ku noyo risilo. Kalo boo patirin ilo.” Tuhan, i Aki Kapuuno' min nakaindagu noyo.

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

ABAKUK 2:17

Nantagar kau ra puun-puun tataun giu' ra kataunan Libanon, kaa' raino akau galama' tagaron. Namatoi kau ra bibiag ra giu' no, kaa' raino ilaanon kau ru bibiag. Ngaangai' ti masauk sabap ra namatayan am kalaatan ondo' binaal min ra mamagun ru tana' ti am niayuk bandar-bandar ra tana' ti.

ABAKUK 2:8

Nampagaau kau ra rapu' ru masuang bansa'. Kaa' raino bansa'-bansa' ondo' naayag mampagaau ra rapu' min sabap ra namatayan ondo' binaal min am sabap ra kalaatan min ra mamagun ru tana' ti am niayuk bandar-bandar ra tana' ti.

JIPANYA 3:17

Tuhan, i Aki Kapuuno' min mabaya' ramuyun; namanang kau sabap ra kuasa' Nano. Naansukan Tuhan am naansayan sabap akau; nangani' Io ramuyun ra kaayagan bagu sabap ra motogom Io ramuyun. Napabansuk kau ra guang Nano, am Io pana marimbai ra maansukan,

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

JAKARIA 12:3

Paat ra tauli no, pasaukon Ku Jirusalim koson ra batu ondo' maagat. Ati-ati bansa' ondo' kuminam mangkayang riso mapilatan. Ngaangai' bansa' ra tana' ti magamung koson mamulunsar ra Jirusalim.

JAKARIA 14:11

Mamagun mayan ra giu' ra maayag, kalo boo lolobon ru kapusaan.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 12:15

“Pai' kalaa' mamagun ru bandar Sion! Ilai', mokoondo' raja' min matong nangura' ra sanginan kaladai mamulok!”

JUANIS 19:19

Nanusub i Pilatus mamaku' ra rondo' papan rasawat ru salip Nano, ondo' tinulisan ra; “I Jisus, ulun ru Nasarit, raja' ru ulun ru Jaudi”.

JUANIS 5:30

“Kalo makapambaal Aku ra atan ayuk pana maya' ra kuasa' Kuno galama'. Kaa' mangakim Aku ra ulun sumugut ra nambalaan ri Ama' Raki'. Matimpok toojo pangakiman Kutu, sabap ra kalo maguyum Aku ra kasagaan galama', kaa' kasagaan Nali ondo' nanusub Raki' i ayuk.

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.

PINAINTALANG 7:15

Ginio sabap ra ilo ti migor ra saang ru takhta ri Aki Kapuuno' no, am mangandoi Riso ra orou-rondom ralalom Baloi Nano. Io ondo' nanturung ra takhta no sumambaya' am mangampin risilo.