JIPANYA 3:14 - Tanou Moonsoi Timugon

¹⁴ Akau ulun ru Israil, pakaansuk kano am parimbai! Akau mamagun ru Jirusalim, pakaansuk kano ra totopot ru guang!

JIPANYA 3:14 ပူးပေါင်းရင်းမြစ်များ

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

MAZMUR 14:7

Gama' ru pamayagan ra Israil matong intor ra Sion! Amon saukon ru Tuhan ulun Nano ra langkaya' saguli', ngaangai' ru ulun ru Israil maantak guang.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 97:8

Namagun ru Sion maansukan, am ngaangai' bandar giu' ra Jiuda maansukan, sabap ra namatasan Muno, iou Tuhan.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

JISAYA 37:22

Gitio noyo ragu ru Tuhan, “Bandar Jirusalim mangiis am niayuk magasab rirun, okou Sanirib.

JISAYA 40:1

“Bansuko' noyo ulun Kuno, bansuko' ilo no!” ragu ri Aki Kapuuno' mino.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 51:11

Ulun-ulun ondo' pinalabus ru Tuhan pana makauli' sumubol ilo ra Jirusalim ralalom guang maantak liliwa' marimbai. Matakau bulos nilo sabap maansukan sabuoi-buoi no, sabuoi-buoi no ilo nakalabus intor ra kapaganan am mangiluk guang.

JISAYA 52:9

Pagitapap kano, akau napuutan ru Jirusalim, sabap ra Tuhan mangansuk ra ulun Nano am mapalabus ra Jirusalim.

JISAYA 54:1

Jirusalim, galing i okou koson ra ruandu' tabanang ondo' kalo igondo' maganak. Kaa' ragino pagilakup no, am parimbai no maansukan! Sabap ra anak-anak muno masuang kaga', nakasail poyo intor ra anak ru ruandu' ondo' kalo tinatang ru ralaki.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

MIKA 4:8

Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

MATIUS 21:9

Ulun masuang ondo' minugar siminigulu am timinauli ri Jisus i, tumalimpuun ilo mompogolok, “Omporo' Anak ru raja' Daut! Kabarakat noyo Io ondo' minatong ralalom inggalan ru Tuhan. Omporo' noyo i Aki Kapuuno' Ondo' Masawat Kaga'!”