JIPANYA 3:13 - Tanou Moonsoi Timugon

¹³ Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JIPANYA 3:13 ပူးပေါင်းရင်းမြစ်များ

2 TUNUNG RU BANSA' ISRAIL 20:30

Koon raginio noyo Raja' Josapat nakapamarinta ra kaansayan, am nangani' i Aki Kapuuno' ra Raja' Josapat ra kamiaan giu' ra titikop ru pagun.

AYUP 11:19

Kalo malaa' kou ra pantula'; masuang ulun makiindangan rirun.

MAZMUR 119:3

Kalo mambaal ilo ra kalaatan, kaa kaayagan nilo maya' ra kasagaan ru Tuhan.

MAZMUR 120:2

Iou Tuhan, bayago' aku no, intor ra magagabau am mamparuung.

MAZMUR 120:3

Akau magagabau, atan kia baalon ri Aki Kapuuno' no ramuyun? Atan kia pangungukum Nano ramuyun?

MAZMUR 23:2

Pinaluya' No aku ra tana' limayak ondo' makasakot malabung am mangitang raki' ra sungoi maliuk.

JISAYA 17:2

Bandar-bandar giu' ra pagun Siria iruanin ra sabuoi-buoi no. Sapi' am domba salilitau ra giu' no am kolondo' sangulun pana manganjung.

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 63:8

Mindagu Tuhan, “Ilo ulun Kuno, kalo mamparuung ilo Raki'.” Ginio ra Io namayag risilo

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

JIRIMIA 23:4

Lantikon Ku panguasa' koson magalung risilo. Ulun Kuno kalo boo malaa' kapoam monontol; Aku pana kalo boo mangukum risilo. Aku, Tuhan nakaindagu noyo.”

JIRIMIA 30:10

Ulun Ku ngai', pai' kalaa'! Ulun kau ru Israil, pai' ponontol! Bayagon Takamin intor ra pagun ondo' maalur, intor ra pagun intok min rinakop ru pantula'. Muli' kau ra pagun min am maayag ra kaansayan. Maayag kau, am kolondo' ulun mampakalalaa' ramuyun.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

YEHEZKIEL 39:26

Paat ilo mayan poyo giu' ra pagun nilo galama' ra kaansayan, am kolondo' sangulun pana mampajajou risilo, am ilo pana mampalilian ra nagasaban risilo sabap ra nanumbalik Raki'.

JOIL 3:17

“Ginio ra akau Israil, makapandai kau boo, ra Aku noyo Tuhan, i Aki Kapuuno' min. Mayan Aku giu' ra Sion, bulur Kuno ondo' matulai. Jirusalim masauk ra bandar ondo' matulai; ulun bansa' ra bokon totopot kalo boo mampagaau raginio.

IMAMAT 26:6

“Maparatong Aku ra kaansayan giu' ra pagun mino saboi mokokolong kau ra kalo malaa' ra osoi pana. Liomon Ku bibiag mangasigo giu' ra pagun no, am pangayawan pana kolondo' boo.

MIKA 4:4

Ngaangai' ulun maayag ra kaansayan giu' ra umo ru anggur am umo ru ara nilo; kolondo' sangulun pana mampakalalaa' risilo. Ginio noyo baal ondo' binantu' ru Tuhan Ondo' Maayo Kaga' Kuasa'.

MIKA 4:7

Ilo kalo makalulu' am maalur intor ra baloi, kaa' mangani' Aku ra kaluagan bagu risilo ondo' lakat poyo maayag, am masauk ilo ra rondo' bansa' ondo' maayo. Mamarinta Aku risilo intor ra Bulur Sion suku' ra sabuoi-buoi no.”

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.

JIPANYA 3:5

Kaa' Tuhan lakat poyo giu' ra bandar no. Magail Io mambaal ra motopot am kalo igondo' nambaal ra ondo' sala. Moonong susuab ti maaru' mangani' Io ra katimpakan ra ulun Nano. Kaa' ulun ondo' kalo makaulig ra katimpakan giu' ra bandar no magulayun mambaal ra malaat ra kalo makaulig ra mauyu'.

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

JAKARIA 8:16

Gitio noyo baal ondo' musiti' min baalon: Amon ru mindagu kau, raguo' noyo ondo' motopot ra akau po ngai'. Pamatas no ra matimpok, pamatasan ondo' magibit ra kaansayan, giu' ra intok pangakiman.

JAKARIA 8:3

Sumaguli' Aku ra Jirusalim, bandar Kuno ondo' matulai am lumayun ra giu' no. Jirusalim mauligan ra bandar ondo' gumagaya', am bulur ru Tuhan Ondo' Maayo Kaga' Kuasa' am sabiton ra bulur matulai.

MATIUS 13:41

Anak ru Ulun no manusub ra malaikat-malaikat Nano manimung intor ra Pamarintaan Nano ngaangai' ulun ondo' mangkinibit ra ulun makatula, am ngaangai' ulun ra bokon ondo' nambaal ra kalaatan.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

KOLOSI 3:9

Ginio boo ra pai' kau pagabau ra rondo' am bokon sabap ra kaayagan am paliso nakalair min i iniruanan min noyo.

1 PITRUS 3:14

Kaa' amon ru imboloon kau sabap ra mambaal kau ra motopot, pakaansuk kano. Pai' kano kalaa' ra osoi ayuk pana am pai' pagalabo poyo.

1 JUANIS 5:18

Nakapandai takau ra ngaangai' ulun ondo' nasauk ra anak ri Aki Kapuuno' kalo marayus mambaal ra tula, sabap ra Anak ri Aki Kapuuno' mangampin riso am Tingganai ru riwato no kalo makaguut riso.

PINAINTALANG 14:5

Ilo ti kalo igondo' pagabau am kolondo' sala.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”