JIPANYA 3:12 - Tanou Moonsoi Timugon

¹² Ulun ondo' asabin am ondo' minggana' guang polosoon Ku mayan ra giu' no. Matong ilo makiindangan Raki'.

JIPANYA 3:12 ပူးပေါင်းရင်းမြစ်များ

IJRA 9:8

Kaa' raino, koson ra sangkinolor, Okou iou Tuhan, i Aki Kapuuno' mai, bagu ayuk pakaasi' ramon am nampalabus ra kukula' ngaulun ra gino ngai' mai intor ra pangulipanan, am niayuk nangani' ramon ra kaayagan ondo' mamimio giti ra intok pinaluntuk ti. Nangani' Kou ramon ra kaayagan ondo' bagu.

MAZMUR 37:40

Mangindangan am mamayag Io risilo; am niayuk mapalabus risilo intor ra ulun malaat, sabap ra makisindung ilo Riso.

JISAYA 14:30

Tuhan magalung ra ulun Nano ondo' musikin am magibit risilo maayag ra kalinuos ayuk, kaa' porotongon No bitilan ra maaja' no ramuyun, alii ra ulun ru Palistin. Kolondo' sangulun pana intor ramuyun no polosoon maayag.

JISAYA 14:32

Atan kia pataamon takau ra ulun-ulun sinusub ru ulun ru Palistin? Balain takau ra Tuhan noyo napabigor ra Sion, am ulun Nano naimbolo' makaalap ra sindungan ra giu'.

JISAYA 29:19

Ulun musikin am asasabin igondo' poyo makaliman ra kaansukan ondo' pinataak ru Tuhan, i Aki Kapuuno' ru Israil, i Aki Kapuuno' ondo' matulai.

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JIRIMIA 17:7

Kaa' ulun ondo' malansan Raki' masalok Ku barakatin.

JIRIMIA 50:20

Paat raginio, tula kolondo' boo giu' ra Israil, am kalaatan pana kolondo' boo giu' ra Jiuda, sabap ra mangampun Aku ra ulun ondo' binayag Kuno. Aku, Tuhan, nakaindagu noyo.”

YEHEZKIEL 6:8

Polosoon Ku santayaran intor risilo makalabus intor ra pamatayan no, am pantutuliaron giu' ra pagun-pagun ra bokon.

MIKA 5:6

Ulun ru Israil ondo' lakat poyo maayag masauk koson ra bolobou masimu' intor ra Tuhan koson pataakon ra masuang bansa'; am koson rasam timinias ra tutuu'. Malansan ilo ri Aki Kapuuno' am sala' ka ulun.

NAGUM 1:7

Tuhan no moonsoi; manindung Io ra ulun Nano paat ra ilo mapagon, magalung Io ra ulun ondo' sumindung Riso.

JAKARIA 11:11

Koson raginio noyo nabantuan no inukat paat ra orou raginio. Ulun-ulun mantalan ra domba nagilong raki', am nakapandai ilo ra Tuhan tatanga' mindagu ralalom ru binaal kuno.

JAKARIA 11:7

Ulun mantalan ra domba nampagaji' raki', am aku pana nasauk ra magagalung ru domba sampanon ondo' simbaluyon. Alapon ku ruo jujuga': ondo' rondo' inggalanin ku “Kataawan” am ondo' rondo poyo “Pasimpungan”. Tumalimpuun aku boo magalung ra domba-domba no.

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 12:21

am ngaangai' bansa' malansan Riso.”

MATIUS 5:3

“Pakaansuk noyo ulun ondo' makapandai ra ilo masuang tula, sabap ra ilo no ulun ri Aki Kapuuno'.

ROMA 15:12

Kon poyo ru Nabi Jisaya, “Matong sangulun intor ra papag ru Isai; mamarinta Io ra bansa'-bansa', am lumansan ilo Riso.”

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.