JIPANYA 3:11 - Tanou Moonsoi Timugon

¹¹ Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

JIPANYA 3:11 ပူးပေါင်းရင်းမြစ်များ

MAZMUR 131:1

Rimbai ru ratangan ri Daut. Iou Tuhan, kalo minsawat guang kuno, kalo malilimbau aku. Kalo gogoton ku baal-baal ra kalo makangkou, kapoam ondo' mapagon kaga' raki'.

MAZMUR 49:5

Guangon kuno panginuuyan, am pabalaan kuno arati' nano liliwa' mangkayus ra jitor.

MAZMUR 59:12

Pai' ilo potoyo', iou Aki Kapuuno', maa' raginio bansa' kuno kalo makalilian. Kuliagayo' pantula' no ra kuasa' Muno am kalaan ilo, iou Tuhan, manindung ramon.

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 45:17

Kaa' Israil bayagon ru Tuhan; pamayagan riso no mantilayun. Kalo tauyuon kau am asabin saboi ra sabuoi-buoi no.’ ”

JISAYA 5:15

Moonong ulun tauyuon, am ngaangai' ulun malilimbau paingganaan.

JISAYA 54:4

Pai' kalaa', kalo tauyuon kou; kalo asabin am maringkauyu'. Lilianin mu kalo gagayaan muli bulintok ra kinamuloko' muli; am kalo makakara' ra kasilukan muno koson sangulun napuor.

JISAYA 56:7

“Ibiton Takamin ra Sion, bulur Kuno ondo' matulai, am bansukon Ku baloi sambayangan Kuno. Taak-taak simbalui ondo' pataakon min ra altar Kuno apuon Ku. Baloi Kuno sabiton ra baloi pakiasian ru nansalinut bansa'.”

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

JIRIMIA 13:9

“Koon raginio noyo ralan Kuno mamuso ra mamagun ru Jiuda am Jirusalim. Umokon Ku limbau nilono.

JIRIMIA 7:4

Pai' pangintopot ra ragu-ragu magabau ti, ‘Moonsoi takau ayuk, sabap ragitio Baloi ru Tuhan. Tojojo gitio Baloi ru Tuhan! Topot gitio Baloi ru Tuhan!’

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

DANIL 9:20

Rinayus ku nakiasi', am nangiou ra tula kuno am niayuk tula ru bansa' kuno Israil. Aku niayuk nakitaak ra Tuhan, i Aki Kapuuno' kuno koson mapatapuli' ra Baloi Nano ondo' matulai.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

ROMA 2:17

Raino ati kulaan ramuyun? Kamin, “Akai ulun ru Jaudi.” Lumansan kau ra Ukum ri Musa am lumimbau ra akau ulun ri Aki Kapuuno'.

ROMA 9:33

Tinulisan noyo ra Buuk Kitab intor ra batu no koson ragitio; “Ilai', mapabanta' Aku ra batu giu' ra Sion, ondo' kasaruan ru ulun, rondo' batu maayo ondo' karatuan ru ulun. Kaa' osoi ayuk mangintopot Riso kalo mangkaus.”

1 PITRUS 2:6

Sabap tinulisan noyo ra Buuk Kitab kon ragino, “Ilai', pinabanta' Ku noyo giu' ra bandar Sion rondo' batu ra mokologo, ondo' pinili' Ku ra batu maatang: am kalo noyo igondo' Io pangkinibit ra pangkausan ra ulun ondo' mangintopot Riso.”