JIPANYA 2:9 - Tanou Moonsoi Timugon

⁹ Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

JIPANYA 2:9 ပူးပေါင်းရင်းမြစ်များ

JISAYA 11:14

Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

JISAYA 49:18

Ilai' noyo am tantangi' noyo libung muno, ulun muno timinimung am matong rirun. Sabap ra Aku, i Aki Kapuuno' ondo' maayag, mindagu Aku, maansukan kou kaga' sabap namagun muno, koson ra ruandu' inuot maantak guang ra io pinampakai.

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 48:1

Koon raginio noyo ragu ru Tuhan intor ra pagun Moab, “Pakaasi' no ra mamagun ru Nibo – napuso noyo bandar nilo! Ginaau noyo bandar Kiryataim, linunsai noyo kubu nano ra maikang, am mamagun nano tinauyu';

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

JIRIMIA 49:18

Koson ra Sodom am Gomora pusoon mabaya' ra pekan-pekan giu' ra liliut, koson niayuk ra Idom pusoon. Kolondo' sangulun pana mayan giu' ra Idom. Aku, Tuhan nakaindagu noyo.

JIRIMIA 49:33

Saukon Gajor ra tana' kaagisan ra sabubuoi no, intok ondo' inayanan ru taani ayuk. Kolondo' sangulun pana mayan ra giu' no. Aku, Tuhan, nakaindagu noyo.”

JIRIMIA 50:40

Koson ra Aku namuso ra Sodom am Gomora nababaya' ra pekan-pekan giu' ra liliut no, koson raginio niayuk Aku mamuso ra Babil. Kolondo' sangulun pana mayan ra giu' no. Aku, Tuhan, nakaindagu noyo.

AMOS 1:13

Indagu Tuhan, “Mamagun ru Amon ruruli' noyo makatula, ginio ra maaru' ukumin Ku ilo. Paat ilo mangayou koson mapalangka' ra wilayah, lapaan nilo tinai' ru ruandu'-ruandu' maapang giu' ra Giliad.

AMOS 2:1

Indagu Tuhan, “Mamagun ru Moab ruruli' noyo makatula, sabap raginio maaru' ukumin Ku ilo. Magasab ilo ra raja' ru Idom ondo' minatoi noyo am sinolob bungul nano saboi nasauk ra kaau.

JIPANYA 2:14

Giu' no bibiag tinambiag am ngaangai' salinut ru bibiag magupu'. Susuit puok manabunsut giu' ra intok nalunsai no am manimpakaak intor ra gigimpalan. Susuit bangkaak manimpakaak giu' ra lugu' ru kulobon. Tataun sidar ra baloi-baloi ru bandar no koyoon iruo'.

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

JAKARIA 2:13

Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.

UNTABAN 14:21

Kaa' nambantu' Aku sabap ra inan Kuno am sabap ra Aku ondo' maayag am makakuasa' ra tana' ti,

ROMA 14:11

Sabap ra tinulisan noyo ra Buuk Kitab, kon ru Tuhan, “Aku ti i Aki Kapuuno' ondo' maayag, moonong ulun migulatur ra saang Kuno, am poyo mangiou ra Aku ti i Aki Kapuuno'.”

SAGULION 29:22

“Paat ra orou matong, papag min am ulun bansa' ru bokon intor ra pagun mangaalur makakito ra karaat am kaimbalaan ondo' porotongon ru Tuhan ra tana' min.

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.