JIPANYA 2:5 - Tanou Moonsoi Timugon

⁵ Aibui boo ramuyun, akau ulun ru Palistin, bansa' ondo' minayan giu' ra nagas. Inaru' noyo ru Tuhan ukuman ramuyun. Mamuso Io ramuyun, am kolondo' sangulun pana maayag.

JIPANYA 2:5 ပူးပေါင်းရင်းမြစ်များ

JISAYA 14:29

Alii ra ulun ru Palistin, kabalu' pana tataun lalamba' ondo' pinampalamba' ramuyun no pinandak, pai' kau paringkuanang sabap ra amon santaun kukuo matoi, santaun poyo makalalaa' kaga' no matong. Sanginan tambuakal makakawo mabak intor ra talu' ru kukuo.

JISAYA 14:30

Tuhan magalung ra ulun Nano ondo' musikin am magibit risilo maayag ra kalinuos ayuk, kaa' porotongon No bitilan ra maaja' no ramuyun, alii ra ulun ru Palistin. Kolondo' sangulun pana intor ramuyun no polosoon maayag.

JIRIMIA 47:7

Kaa' ati kulaan kia ru ilang no makatangus, sotopot no Aku nanusub riso mangandoi? Nanusub Aku riso mamulunsar ra Askilon, am ulun ondo' minayan giu' ra nagas.”

YEHEZKIEL 25:16

Raino potonowon Ku ra mamulunsar Aku ra ulun ru Palistin am mamuso risilo. Pusoon Ku moonong ulun ondo' lakat poyo maayag giu' ra tampilon ra nagas ru raat ra pagun no.

AMOS 3:1

Akau ulun ru Israil, rongogo' tanou ru Tuhan intor ra ngaangai' ru bansa' min, ondo' inibit Nano miningkual intor ra Misir. Indagu Tuhan,

AMOS 5:1

Rongog kano, akau ulun ru Israil! Rimbayin Ku akau ra rimbai panguliran:

JIPANYA 1:11

Panulaboi kano am pantangi' kano paat min morongog ngaangai' no, akau mamagun ru bandar giu' ra tampilon ragana', sabap ra ngaangai' ulun mantalan minatoi noyo.

JIPANYA 3:6

Indagu Tuhan, “Nampaluus Aku noyo ra masuang bansa'; nanutuk Aku ra bandar-bandar nilo, am nampasauk ra timbok am niayuk manara-manara nilono ra nalunsai. Bandar-bandar nilo masiluk kolondo' ulun namagun am ralan-ralan pana masiluk; kolondo' boo ulun minayan ra giu' no.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

MARKUS 12:12

Tingganai ru ulun ru Jaudi no mirot mamparakop ri Jisus, sabap ra napandayan nilo ra ilo inabigan ri Jisus. Kaa' malaa' ilo ra ulun masuang no, am iruani' nilo boo i Jisus.

JOSUA 13:2

ngaangai' wilayah ru Palistin am Gisur,

JOSUA 13:3

am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

TINGGANAI RU BANSA' 3:3

Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.

1 SAMUIL 30:14

Sinubol mai noyo intok ru ulun Kriti giu' ra tampilon rabugus ru Jiuda am intok ru bansa' ru Kalib, am niayuk nonolob ngai' ra bandar Jiklag.”