JIPANYA 2:15 - Tanou Moonsoi Timugon

¹⁵ Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

JIPANYA 2:15 ပူးပေါင်းရင်းမြစ်များ

AYUP 16:4

Amon ru akau ti aku, am aku ti boo akau, aku pana makaindagu koson raginio. Mampaliur aku ramuyun ra ragu; am mamisik ra ulu.

AYUP 27:23

Babatut angin koson ra ragu-ragu magasab risilo, giu' ra ati pana asabin ilo.”

JISAYA 22:2

Kalo moonsoi ngaangai' ulun ru bandar mangiantak am magilakup maansukan. Ulun mino ondo' minatoi ralalom ru pangayawan ti sala' ka minatoi sabap ra namulunsar.

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 32:14

Istana pana iruanin am pusor ru bandar nasauk ra masiluk. Bulur-bulur am manara-manara intok ru mantatamung no mapuut ra sabuoi-buoi no. Kaladai masigo am domba no salilitau am mongkotop ra giu' no.

JISAYA 32:9

Rongogo' noyo, akau ruandu' ondo' maayag ra matasu', nakalabus intor ra pagalabaan.

JISAYA 47:10

Malimanan muno moonsoi ralalom ru kalaatan muno; indoson muno kolondo' sangulun pana makapandai. Kapintaran am kaintutunan muno mapalayau rirun. Indoson muno kolondo' mokogondo' rirun.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 19:8

Palumpaan Ku karaat makalalaa' ra bandar ti saboi moonong ulun ondo' mansail ragiti makatigog am malaa'.

JIRIMIA 50:13

Sabap ra sangit Kuno, kolondo' osoi pana mayan giu' ra Babil. Babil no masauk ra malunsai, am ngaangai' ulun ondo' mansail ra giu' no makatigog am mangimuag.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:15

Ngaangai' ulun ondo' nansail ra bandar muno magasab rirun. Ulu nilo pisik-pisik am makakurit magilong ra Jirusalim nalunsai. Nangkuot ilo, “Gitio kia bandar ondo' sabiton ra moonsoi kaga' am nasauk ra kalimbawan nilo?”

YEHEZKIEL 27:36

Natatak kou am liminiot ra sabubuoi no. Ulun mantalan giu' ra titikop ru tana' malaa' amon ru ilo niayuk matiu' koson rirun.”

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

YEHEZKIEL 28:9

Paat raginio, lakat kou kia poyo mindagu ra dewa kou? Paat ra okou muma' ra ulun mamatoi rirun, makito ra ulun kou ayuk ondo' mapandai matoi am sala' ka dewa.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

NAGUM 3:19

Pilat muno kalo mababas am ruruko-ruruko muno kalo mapali'. Ngaangai' ulun ondo' nokorongog ra tanou katutukan muno magitapap ra longon sabap ra maansukan. Kolondo' sangulun pana makapamayag ra inan intor ra kalaatan muno ondo' kalo lumonggo'-longgo'.

ABAKUK 1:7

Mapasingkual ilo ra kalaanan giu' ra ngaangai' intok. Malilimbau ilo kaga' saboi mangkara' ra ngaangai' binaal nilo motopot am iowon ralalom ru undang-undang.

MATIUS 27:39

Ulun-ulun ondo' mansail ra intok ti mamisik ra ulu am magasab ri Jisus, konilo,