JIPANYA 2:14 - Tanou Moonsoi Timugon

¹⁴ Giu' no bibiag tinambiag am ngaangai' salinut ru bibiag magupu'. Susuit puok manabunsut giu' ra intok nalunsai no am manimpakaak intor ra gigimpalan. Susuit bangkaak manimpakaak giu' ra lugu' ru kulobon. Tataun sidar ra baloi-baloi ru bandar no koyoon iruo'.

JIPANYA 2:14 ပူးပေါင်းရင်းမြစ်များ

MAZMUR 102:6

Mapuor laa kuno; inan kuno najangkalap ayuk.

JISAYA 14:23

Kulawon Ku Babil masauk ra tana' malinjong, am karuui mayan ra giu' no. Pusoon Ku Babil. Aku, Tuhan Ondo' Maayo Kaga' Kuasa' minindagu noyo.”

JIRIMIA 22:14

Aibui boo ra ulun ondo' mindagu, “Mambaal aku ra istana ondo' mokoondo' ra lamin-lamin mangaayo giu' ra luting no.” Pambaal io boo ra gigimpalan ra baloi nano, am tataun pinangiing intor ra tataun sidar, am tinulisan ra batik malia'.

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

JIPANYA 2:6

Tana' min giu' ra kiing ru raat masauk ra padang sakot; kalukub-kalukub ru magagalung am kandang ru domba baalon ra giu'.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.