JIPANYA 2:12 - Tanou Moonsoi Timugon

¹² Tuhan niayuk mangukum ra matoi ra mamagun ru Itiopia.

JIPANYA 2:12 ပူးပေါင်းရင်းမြစ်များ

MAZMUR 17:13

Luat no, iou Tuhan, anggalo' pantula' kuno saboi maala! Bayago' aku ra ilang Muno paat ra ulun malaat mampatoi raki'.

JISAYA 10:5

Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

JISAYA 13:5

Minatong ilo intor ra pagun ra mangaalur, pompor ru tana' ti. Sabap ra sangit Nano, Tuhan matong koson mamuso ra titikop ru tana' ti.

JISAYA 20:3

Bulintok ra Asdod pinarinta, mindagu Tuhan, “Jisaya, ulipon Kuno minugar ra nagibabaang am kalo nangkasut buoi talu ngambilor. Tatandu' ragitio koson pulanu masauk giu' ra Misir am Itiopia.

JISAYA 43:3

Aku noyo Tuhan, i Aki Kapuuno' min, i Aki Kapuuno' ondo' matulai, ondo' namayag ramuyun. Pataakon Ku Misir koson mamuli' ramuyun; Pataakon Ku Itiopia am Siba koson mapalabus ramuyun.

YEHEZKIEL 30:24

Aku pana mampaikang boo ra kalindu' ru raja' ru Babilonia am ilang Kuno pabantaan ra kalindu' nano. Kaa' pandakon Ku kalindu' ru raja' ru Misir saboi io mampalaa marualan am matoi giu' ra saang ru raja' ru Babilonia.