JIPANYA 2:11 - Tanou Moonsoi Timugon

¹¹ Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JIPANYA 2:11 ပူးပေါင်းရင်းမြစ်များ

KASAUKAN 10:5

Ilo ti noyo kinamatuaan ru bansa' ondo' minayan ra igig ru nagas am giu' ra pulu'-pulu'. Ngaangai' nilo papag ri Japit. Moonong bansa' namagun ra pagun ru sigagama' am mokoondo' ra ragu nilo galama'.

MAZMUR 138:4

Ngaangai raja' ru tana' ti mongompor Rirun, iou Tuhan, sabap ra rinongog nilo bantu' Muno.

MAZMUR 72:17

Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

JISAYA 2:20

Bulintok ra orou raginio, patirin ru ulun sinungkalalaing ondo' binaal intor ra pirok am mas, ondo' patatangon no ra tikus am pungit.

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JIRIMIA 10:11

Ulun kau, musiti' kau mambala' risilo ra dewa-dewa ondo' kalo namangun ra limbowon am tana' ti pusoon. Dewa-dewa no liomon intor ra tana' ti.)

JIRIMIA 46:25

Tuhan Ondo' Maayo Kaga' Kuasa', i Aki Kapuuno' ru Israil minindagu, “Mangukum Aku ra Amon, dewa ru bandar Tibi mababaya' ra Misir am dewa-dewa am niayuk raja'-raja'. Alapon Ku raja' ru Misir am ngaangai' ondo' liminansan riso,

DANIL 11:18

Mopongo raginio raja' ru Siria mamulunsar ra bansa'-bansa' ondo' minayan giu' ra igig ru raat, manguasa' ra masuang bansa'. Kaa' sangulun tingganai ru bansa' ra bokon mangala ra raja' ru Siria am mopolonggo' ra pagasaban ondo' binaal nano, am mambalos ra pagasaban no riso.

GOSIA 2:17

Paat raginio mambaal Aku ra nabantuan ra ngaangai' bibiag masigo am susuit, maa' raginio kalo rualin nilo ulun Kuno. Patirin Ku ngaangai' kinandoi ru pamulunsaran intor ra pagun no, ngaangai' ilang am busur, maa' raginio ulun Kuno maayag ra kaansayan.

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

JIPANYA 1:4

“Ukumin Ku mamagun ru Jirusalim am mamagun ru titikop Jiuda. Saliiron Ku ondo' natatang ra sumamba ra Baal intor ra intok-intok raginio. Imam-imam ondo' mangandoi ayuk ra Baal lilianin ra malingon.

JIPANYA 3:9

Kaa' malupus raginio kulawon Ku guang ru bansa'-bansa' no, saboi makiasi' ilo Raki' ayuk am sala' ka tuhan-tuhan ra bokon. Ngaangai' bansa' no gumagaya' Raki'.

JAKARIA 13:2

Paat raginio luluon ku inggalan ru sinungkalalaing ra pagun ti; kolondo' osoi pana boo makakara' raginio. Luuson Ku osoi ayuk migiangku ra io nabi, am mangiru' ra gogoton koson sumamba ra sinungkalalaing.

JAKARIA 2:11

Paat raginio masuang bansa' matong ra Tuhan koson masauk ra ulun Nano. Mayan io ra tatanga' min, am makapandai kau boo ra Tuhan nanusub noyo raki' mongoi ramuyun.

JAKARIA 8:20

Tuhan Ondo' Maayo Kaga' Kuasa' mindagu, “Paat masaboi ra mamagun intor ra masuang bandar matong ra Jirusalim.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

SAGULION 32:38

Napataak kau ra wain am taak simbalui ra moonsoi kaga' risilo, nanaak kau risilo manginum ra wain. Raino polosoo' noyo ilo mangindangan ramuyun, polosoo' noyo ilo mamayag ramuyun.

1 TIMOTIUS 2:8

Paat ra akau sumambayang, masaga' aku ra ungkuyon rati makiasi' mabaya' ra guang mapasau ra kolondo' kasisangan am niayuk kolondo' pansasangaran.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”