JIPANYA 2:10 - Tanou Moonsoi Timugon

¹⁰ Koson raginio noyo mamagun ru Moab am Amon ukumin sabap ra kinalimbau am minsawat guang nilo, am niayuk sabap ra nagasaban nilo ra ulun ru Tuhan Ondo' Maayo Kaga' Kuasa'.

JIPANYA 2:10 ပူးပေါင်းရင်းမြစ်များ

1 TUNUNG RU BANSA' ISRAIL 16:21

Kaa' i Aki Kapuuno' kalo mompoloso ra osoi pana mangimbolo' risilo, sabap ilo, nampakara' Io ra raja'-raja'.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

JISAYA 16:6

Mindagu ulun ru Jiuda, “Nakaining akai ra limbau ru ulun ru Moab; mapara' piboo limbau am manggo nilono. Kaa' ragu masawat nilono kolondo' onong-onong.”

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

JIRIMIA 48:29

Lumimbau kaga' Moab! Nokorongog aku ra mapara' kinasumbung, kinasawat ru guang, kinalimbau ru mamagun ru Moab no! Mangkara' ilo kaga' ra inan galama'.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

YEHEZKIEL 25:6

Indagu Tuhan Raja', “Masisang kau kaga' ra Israil saboi magilakup kau am mansasayau ra maansukan ra napusaan ru pagun Israil.

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

OBAJA 1:11

Paat ra pantula' mampalunsai ra kulobon garabang ru Jirusalim am kuasaan bandar no, kolondo' atan pana mabaal min. Nogondo' laat min ra ulun bansa' ra bokon ondo' nagaut ra rapu' ru Jirusalim, am tinayar-tayar ginio ra ilo galama'.

OBAJA 1:3

Rinuung kau ru limbau mino. Pusor bandar min noyo kubu ru batu ondo' mapiot; intok ayanan min giu' ra tampak ru gunung ondo' masawat. Ginio sabap ra akau mangkara', ‘Osoi kia ondo' masaga' mamparatu' ramon?’

JIPANYA 2:8

Tuhan Ondo' Maayo Kaga' Kuasa' mindagu, “Nokorongog Aku noyo ra bansa' ru Moab am Amon nagasab am nangiis ra ulun Kuno. Masawat ragu nilo sabap ra ginaau nilo tana' ru ulun Kuno.

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”