JIPANYA 1:7 - Tanou Moonsoi Timugon

⁷ Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.

JIPANYA 1:7 ပူးပေါင်းရင်းမြစ်များ

AYUP 24:1

Kua kia kalo inaru' ri Aki Kapuuno' orou pangakiman, maa' raginio ulun ondo' makaulig Riso mokoowot ra katimpakan?

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

JISAYA 13:3

Tuhan nampiau ra saujor-saujor pinili' Nano. Mangaikang ilo, mintopot guang, am kalansanan Nano. Kandoi nilono intor ra Tuhan koson mangukum ra ulun ondo' natiu' ra sangit Nano.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 29:2

am porotongon ri Aki Kapuuno' karaat ra bandar ondo' sabiton ra Altar ri Aki Kapuuno'. Bolos pantangian am manulaboi maining, am titikop ru bandar no masauk koson ra altar ondo' natuba' ru raraa'.

JISAYA 34:5

Giu' ra limbowon Tuhan nomongo noyo ra ilang, am ragino ilang no makalumpa' ra bansa' ru Idom, ulun ondo' inukuman am pusoon.

JISAYA 34:6

Ilang Nano malimpot ra raraa' am lomok, koson ra raraa' am lomok ru domba am kambing ondo' sinimbalui. Tuhan mangatang ra taak simbalui no giu' ra bandar Bojra, am mangatang ra panimbaluyan masuang giu' ra pagun ru Idom.

JISAYA 6:5

Indagu aku boo, “Aibui boo raki'! Kolondo' boo kalansanan kuno, sabap moonong raguon kuno makatula, am nakalatok aku ra ulun koson niayuk raginio. Kabalu' pana raginio, mato am ulu kutu galama' nakakito ra Raja', Tuhan Ondo' Maayo Kaga' Kuasa'!”

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

YEHEZKIEL 7:10

Orou karaat ra tayar ru Israil mamaar noyo. Pampatayan gumaai-gaai. Kalimbawan nokopolos ra tampak nano.

YEHEZKIEL 7:7

Akau mamagun ru pagun ti, ngaangai' no pupusin noyo ramuyun. Kalo boo mambaal kau ra pangiantakan giu' ra intok sambaan giu' ra rasawat ru gunung; jajajou no ayuk mailian min.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

JOIL 2:11

Nangani' Tuhan ra susuban ra bolos matangil ra saujor Nano. Saujor ondo' gumagaya' Riso masuang am maikang. Mapara' boo makalalaa' orou ru Tuhan! Kolondo' sangulun pana tumaan.

JOIL 2:31

Kalo poyo ra orou ru Tuhan ondo' makalalaa' am moporos no masaboi, mato ru orou masauk ra molondom, am sila' masauk ra malia' koson ra raraa'.

AMOS 6:10

Sangulun pabukat no, ondo' pinalansanan manalingapu ra pampalabangan ru ulun ondo' minatoi, matong koson ibiton mingkual baangkai ru pabukat nano. Mampiau io ra ulun ondo' soroi giu' ra ralalom ru baloi no, “Mokoondo' osoi kia poyo ondo' lakat poyo naayag suai ramuyun?” Taam ondo' morongog, “Kolondo'!” Pabukat no pana mindagu boo, “Pai' no boo indagu! Kalo iowon takau manabit ra inggalan ru Tuhan.”

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

ABAKUK 2:20

Tuhan soroi giu' ra ralalom ru Baloi Nano ondo' matulai; ngaangai' ulun ru tana' ti musiti' mongkoror giu' ra saang Nano.

JIPANYA 1:14

Orou pangakiman ru Tuhan mamaar noyo, sotopot no, orou raginio mamaar noyo kaga' am matong ra mataki'. Orou raginio natikop ra kangilukan, saboi saujor-saujor ondo' maikang kaga' pana lalaur sabap ra malumpus guang.

JAKARIA 14:1

Mamaar masaboi paat ra Tuhan mimbuor koson ra akim. Paat raginio Jirusalim takawin ru ulun, am kuliamos tokowon no tatayaron ra talupak ru mato nilo galama'.

JAKARIA 2:13

Akau ngaangai' ulun, pongkoror kano ra saang ru Tuhan sabap minintor Io noyo intor ra intok inayanan Nano ondo' matulai.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

MATIUS 22:4

Raja' no pana panusub poyo ra ulipon-ulipon no ra bokon i mongoi pambala'. Bilin no risilo, ‘Balai' noyo ondo' binalaan kuli ra akanon ra bunsag ti nakatampos noyo. Sapi' am anak ru sapi' mongoonsoi kuno, nasimbalui noyo. Ngaangai' ti nopongo noyo. Ibok, ratong kano ra bunsag paguatan ti!’

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 9:20

Pabukat kuno, makakau' kou kia tumaam ri Aki Kapuuno' koson raginio? Makapangkuot kia rarapu' no ra mambabaal no, “Kua guat baalo' mu aku koson ragitio?”

PILIPI 4:5

Pakitono' min noyo kinoonsoi ru guang mino ra ngaangai' ulun, sabap ra mamaar noyo Tuhan sumaguli'.

KOLOSI 1:12

Am mabaya' ra kaansukan, paringkuanang kano ri Aki Kapuuno', Ama' takau, ondo' nampasauk ramuyun makatayar intor ra pinongo Nano ra ulun ondo' mangintopot Riso, giu' ra ralalom ru pamarintaan ondo' natikop ra sinda Nano.

1 SAMUIL 16:5

Taam i Samuil, “Iou. Aku minatong ti koson mapataak ra taak simbalui ra Tuhan. Impasawi' min inan mino am baya' kau raki'.” Nanusub io niayuk ri Isai am anak-anak nano mangimpasau ra inan, am nampiau risilo mongoi ra upacara mapataak ra taak simbalui no.

1 SAMUIL 20:26

Paat ra orou raginio, kalo naguta' Raja' Saul ra baal raginio sabap ra nangkara' io, “Maaru' mokoondo' nasauk ri Daut, saboi nangkinibit riso majamol.”