JIPANYA 1:5 - Tanou Moonsoi Timugon

⁵ Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

JIPANYA 1:5 ပူးပေါင်းရင်းမြစ်များ

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

1 RAJA'-RAJA' 11:5

Raja' Salomo sumamba ra Asyitorit, dewi ru ulun ru Sidon, am Molok, dewa ondo' makatataman ondo' sambaan ru ulun ru Amon.

1 RAJA'-RAJA' 18:21

Tingkuang i Ilia ra ulun-ulun no am indagu, “Saboi sanggilan kia magulayun karuoon min guang? Amon ru Tuhan no i Aki Kapuuno', sambaa' noyo Tuhan; kaa' amon ru Baal no i Aki Kapuuno', sambaa' noyo Baal!” Kaa' ulun-ulun no kalo naguta'.

2 RAJA'-RAJA' 17:32

Sumamba ilo niayuk ra Tuhan, am nampili' ilo ra ulun ru ilo po ngai' koson mangandoi ra imam giu' ra intok-intok sambaan ra sinungkalalaing, am niayuk mampataak ra taak simbalui ra sinungkalalaing no ra giu' no.

2 RAJA'-RAJA' 17:33

Sumamba ilo ra Tuhan, kaa' sumamba ilo niayuk ra dewa-dewa nilo galama' sumugut ra kaulayan ru pagun intor nilai.

2 RAJA'-RAJA' 17:41

Sumamba ilo ra Tuhan, kaa' sumamba ilo niayuk ra sinungkalalaing nilo; saboi raino papag nilono lakat poyo mambaal raginio.

2 RAJA'-RAJA' 23:12

Linunsai no altar-altar ondo' binaal ru raja'-raja' ru Jiuda giu' ra taap ru istana, rasawat ru lamin-lamin ru Raja' Agas. Nampalunsai niayuk Raja' Josia ra altar-altar ondo' binaal ru Raja' Manasi giu' ra ruo liliut Baloi ru Tuhan. Inumok ru Raja' Josia altar no am pinatiran no ra ralalom ru Limayak Kidron.

JISAYA 22:1

Gitio noyo tanou ru Tuhan intor ra Limayak Pinaintalang. Akau namagun ru Jirusalim, kua tampak kau ra pinuusan koson mambaal ra pangiantakan?

JISAYA 44:5

“Moonong ulun mindagu, ‘Aku ti longgom ru Tuhan.’ Mararatok ilo ra ulun ru Israil. Moonong ulun tulisin nilo longon nano; Longgom ru Tuhan, am niayuk ilo galama' manabit ra inan nilo koson ra ulun ri Aki Kapuuno'.”

JISAYA 45:23

Bantu' Kuno motopot, am kalo masulang. Aku galama' mipapator ralalom ru inggalan Kuno: Moonong ulun migulatur ra saang Kuno, am ralalom ragu nilo sigagama' mambaal ra bantu' koson gumagaya' Raki'.

JISAYA 48:1

Rongogo' noyo baal ragitio, akau ulun ru Israil, papag ri Jiuda, nampator kau ralalom inggalan ru Tuhan am mangiou sumamba ri Aki Kapuuno' ru Israil, kaa' ragu-ragu mino kalo motopot.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 19:13

Ngaangai' baloi giu' ra Jirusalim am ngaangai' baloi ru raja'-raja' ru Jiuda masauk ra majamol koson ra Topit, sabap giu' ra taap ru baloi, nonolob ulun ra kaminyan tayar ru dewa-dewa ru limbowon am nampataak ra wain ra dewa-dewa ra bokon.”

JIRIMIA 32:29

am solobon. Solobon nilo saboi makai' mababaya' ra baloi-baloi ru ulun ondo' napasingkual ra sangit Kuno. Giu' ra taap ru baloi solobon nilo kaminyan ra Baal am pasasaron wain koson pataakon ra dewa-dewa.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

JIRIMIA 5:7

Indagu Tuhan, “Kua kia musiti' Aku mangampun ra tula ru ulun Kuno? Nangiruan ilo Raki' am sumamba ra tuhan ondo' kalo motopot. Aniin Ku ulun Kuno ra akanon saboi ilo maasug, kaa' nansawa' ilo am minongoi ra baloi ru ulun mantalan ra inan.

JIRIMIA 7:10

Mopongo kau mambaal ra ngaangai' no, matong kau ra saang Kuno giu' ra Baloi Kuno galama', am mindagu, ‘Moonsoi akai ayuk!’ Akau pana rumayus mambaal ra malaat no.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

GOSIA 10:2

Guang nilo natikop ra ruung am raino ilo musiti' maimbolo' kinibit ru tula nilo. Lunsayon ri Aki Kapuuno' altar-altar nilo am mampagaba' ra batu-batu sambaan nilo.

GOSIA 4:15

“Kabalu' pana akau, ulun ru Israil kalo gumagaya' Raki', akau no poyo Jiuda pai' pambaal koson raginio. Pai' ongoi sambayang giu' ra Gilgal, kapoam giu' ra Bitil. Pai' baalo' bantu'-bantu' ra giu' no ralalom inggalan ru Tuhan ondo' naayag.

AMOS 5:26

Kaa' raino siminamba kau ri Sakut ondo' karaan min ra raja' am Kiwan, bibiag ondo' kaansayin min kaga' no. Ginio ra akau galama' musiti' magaut ra sinungkalalaing-sinungkalalaing no,

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

RINALATAN 10:9

Iosuabon, paat ra katalu ngaulun ti lakat ayuk poyo mangkiralan am maar noyo nakasuku' ra Jopi, pagaloi i Pitrus ra rasawat ru baloi i am pakiasi' ra tanga' ru orou.

ROMA 14:11

Sabap ra tinulisan noyo ra Buuk Kitab, kon ru Tuhan, “Aku ti i Aki Kapuuno' ondo' maayag, moonong ulun migulatur ra saang Kuno, am poyo mangiou ra Aku ti i Aki Kapuuno'.”

SAGULION 10:20

Urumato' noyo Tuhan i Aki Kapuuno' min am sambayang Riso ayuk. Gagaya' noyo Riso am pagibot noyo ralalom ru inggalan Nano ayuk.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

JOSUA 23:7

Koson raginio noyo kalo makalatok kau ra bansa' ondo' lakat poyo soroi ra gino ngai' min; kalo manabit kau ra inggalan ru dewa-dewa nilo am kalo mamakai ra inggalan raginio ra magibot; kalo sumambayang kau kapoam sumamba ra dewa-dewa no.