JIPANYA 1:4 - Tanou Moonsoi Timugon

⁴ “Ukumin Ku mamagun ru Jirusalim am mamagun ru titikop Jiuda. Saliiron Ku ondo' natatang ra sumamba ra Baal intor ra intok-intok raginio. Imam-imam ondo' mangandoi ayuk ra Baal lilianin ra malingon.

JIPANYA 1:4 ပူးပေါင်းရင်းမြစ်များ

2 RAJA'-RAJA' 21:13

Mangukum Aku ra Jirusalim koson ra Aku nangukum ra Samaria am Raja' Agab, panguasa' ru Israil, am niayuk papag nano. Pusoon Ku mamagun ru Jirusalim koson ra ulun mampaliung ra pinggan am palapiaton no.

2 RAJA'-RAJA' 23:12

Linunsai no altar-altar ondo' binaal ru raja'-raja' ru Jiuda giu' ra taap ru istana, rasawat ru lamin-lamin ru Raja' Agas. Nampalunsai niayuk Raja' Josia ra altar-altar ondo' binaal ru Raja' Manasi giu' ra ruo liliut Baloi ru Tuhan. Inumok ru Raja' Josia altar no am pinatiran no ra ralalom ru Limayak Kidron.

2 TUNUNG RU BANSA' ISRAIL 34:4

Ralalom ru susuban ru Raja' Josia, ulun-ulun nano nampalunsai ra altar-altar ru Baal am altar-altar koson monolob ra kaminyan ondo' mokoondo' ra giu' no. Inumok nilo sinungkalalaing ru Dewi Asyira am ngaangai' sinungkalalaing ra bokon, am kaau no pinatias ra rasawat ru kalabangan ru ulun ondo' siminamba ra sinungkalalaing no.

KAINGKUALAN 15:12

Napatutui Kou ra kalindu' pamiris Muno, am nonolon tana' ti ra pantula' maino.

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 6:12

Baloi nilo pataakin ra ulun bokon, koson niayuk ra umo am andu' nilo. Mangukum Aku ra mamagun ru pagun ti.

YEHEZKIEL 25:7

Ginio ra pataakon Takamin ra bansa'-bansa' ondo' mantakou am manalingaau ra ngaangai' longgom min. Pusoon Takamin koyoo' saboi akau sala' ka boo bansa' ondo' mokoondo' ra pagun galama'. Makapandai kau boo ra Aku noyo Tuhan.”

YEHEZKIEL 6:14

Iou, paakangon Ku kalindu' Kuno am tutukon ku pagun nilo saboi masauk ra kolondo' tutuu' am masiluk, intor ra tana' kaagisan giu' ra rabugus saboi ra bandar Ribla giu' ra ralayo. Ngaangai' intok ondo' inayanan ru ulun ru Israil, pusoon. Bagu no moonong ulun makapandai ra Aku noyo Tuhan.”

GOSIA 10:5

Mamagun ru bandar Samaria malaa' am nangulir sabap ra natatakan ra sapi' mas giu' ra Bitil. Ilo am imam-imam ondo' nangandoi ayuk ra sapi' mas mantangi'. Gumolok ilo paat ra katulayan ru sinungkalalaing no lumiot.

MIKA 5:13

Tuyason ku ngaangai' sinungkalalaing Dewi Asyira giu' ra pagun min am pusoon Ku bandar-bandar min.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.