Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”
Nanusub Tuhan raki' mindagu ra raja', “Sinolob mu noyo naskhah rinulun i, am nangkuot kou kua panulis i Jirimia ra matong raja' ru Babilonia, am mamuso ra pagun ti am mamatoi ra mamagun no am niayuk ngaangai' bibiag ra giu' no.
Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.
Pupus no nambaal Tuhan ra atan ondo' inatang Nano; Pusoon No itakau ra kolondo' guang makaasi' koson ra ondo' pinakara' Nano ritakau ragili. Pinamanang No ra pantula' takau, am maansukan ilo sabap ra naratuan takau.