JIPANYA 1:17 - Tanou Moonsoi Timugon

¹⁷ Indagu Tuhan, “Porotongon Ku masuang karaat ra ulun, saboi moonong ulun matukangkam koson ra ulun bolou. Makatula ilo noyo Raki', am raino raraa' nilo nalayak koson ra timug, am baangkai nilo mootong ra tana'.”

JIPANYA 1:17 ပူးပေါင်းရင်းမြစ်များ

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 50:1

Tuhan mindagu ri Israil, “Okou ulun Kuno, indos mu inggalarin Tokou koson ra sangulun ralaki mangali ra andu' nano? Koon poyo raginio, ati surat pangalian nano? Indoson muno tinalan Tokou, koson ra sangulun ama' nantalan ra anak nano ra mansisika' ra utang? Sala'! Okou rinakop am pinatiran, sabap ra tula am kalaatan muno galama'!

JIRIMIA 10:18

Patirin kau ru Tuhan intor ra pagun ti; umokon No akau saboi sangulun pana kolondo' matatang. Gini noyo ragu ru Tuhan.

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 2:17

Israil, okou galama' nangkinibit ra baal ragitio nasauk rirun. Nangiruan kou Raki', Tuhan i Aki Kapuuno' muno, paat ra Aku naningganai rirun ralalom pangkiralanan muno.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 4:18

Okou Jiuda, okou galama' namparatong ra karaat no rirun. Ralan ru kaayagan am binaal muno ondo' makatula nangkinibit ra ngaangai' ru kaimbalaan no, am nanusuk ra guang muno.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

SULABOI 1:14

“Inalap No ngaangai' tula kuno, am binangkos no nasauk rondo', am pasisigoto' ra liog kuno, saboi bagat nano nampalawo raki'. Pinataak aku ru Tuhan ra pantula' kuno, am kalo maikang aku gumula' risilo.

SULABOI 1:18

“Kaa' Tuhan matimpok sabap ra inanggal ku susuban Nano. Rongog kano raki', akau ngaangai' bansa', ilai' aku no ondo' marualan. Kamulakan kuno ungkuyon am ruandu' rinakop am inibit minugar.

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

SULABOI 2:21

Ulun matutuo am mamulok ngaangai' no minatoi giu' ra ralan-ralan, kamulakan ungkuyon am ruandu' pinatoi ra ilang ru pantula'. Pinatoi Mu ilo ra kolondo' guang makaasi' paat ra orou Okou sumangit.

YEHEZKIEL 16:38

Mangukum Aku rirun sabap ra pansawaan am niayuk pampatayan ondo' binaal muno. Sabap ra totopot Aku sumangit, ukumin Tokou ra matoi!

YEHEZKIEL 24:7

Pamatayan nasauk giu' ra ralalom ru bandar, am raraa' pinasasar ra rasawat ru batu. Raraa' no kalo pinasasar ra tana' maa' raginio matauban ru tana'.

YEHEZKIEL 24:8

Raraa' no polosoon Ku ra giu' no, maa' raginio makito ru ulun am gumogot mambalos.”

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

MIKA 7:13

Kaa' tana' ti masauk ra tana' mapua' sabap ra kalaatan ru mamagun nano.

MATIUS 15:14

Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 11:7

Arati' ru ginio kalo natuum ru ulun ru Israil atan ondo' inuyum nilai. Kaa' ondo' nakatuum am kukula' ngaulun pinili' Nano ayuk am bokon no nangimpai ra pampiawan ri Aki Kapuuno'.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

2 PITRUS 1:9

Kaa' osoi ayuk kolondo' paliso raginio, io ti mogondo' ra ulun kalo makakito, sabap ra nalilianan no ra inampun noyo tula nali ragili.

1 JUANIS 2:11

Kaa' ulun ondo' masisang ra pabukat nano, soroi io ayuk poyo ralalom ru kalandaman. Mugar io ralalom ru kalandaman am kalo napandayan ati angayan no, sabap ra kalandaman no mambaal riso kalo makakito.

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.