JAKUBUS 2:7 - Tanou Moonsoi Timugon

⁷ Ilo ti niayuk magasab ra inggalan min moonsoi, ioginio Kristian, ondo' naapu min intor ri Aki Kapuuno'.

JAKUBUS 2:7 ပူးပေါင်းရင်းမြစ်များ

MAZMUR 111:9

Namayag Io ra ulun Nano, am mambaal ra bantu' ondo' mantilayun risilo. Matulai Io am maikang!

RIMBAI PANGAMPARAN 1:3

Maamis kaga' owou muno, inggalan muno koson ra umau maamis owou ondo' pinabuur. Ginio ra ralaa-ralaa malaai rirun.

JISAYA 43:7

Ilo noyo ulun Kuno, binangun Ku ilo koson mampatulai Raki'.”

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

MATIUS 12:24

Paat ra ulun-ulun ru Parisi nokorongog ragitio, taam ilo, “Mampagiru' Io ra riwato sabap ra inanian Io ra kuasa' ri Biiljibul, Tingganai ru riwato no.”

MATIUS 27:63

am indagu, “Tuan, makara' mai paat magagabau no naayag, nakaindagu Io, ‘Mopongo kataluan bayagon Aku saguli'.’

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 15:17

koson ngaangai' ulun ra bokon maguyum Raki', ulun sala' ka Jaudi niayuk ondo' piniau Kuno masauk ra ulun Kuno.

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 4:12

Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

IPISUS 3:15

Io no ondo' mangani' ra painawo ra ngaangai' maayag giu' ra suruga' am niayuk giti ra tana' ti.

1 TIMOTIUS 1:13

kabalu' pana ragili aku nangalimut am nagasab Riso am nangimbolo' ra ulun Nano. Kaa' i Aki Kapuuno' nakaasi' raki', sabap ra paat ragili kalo poyo nangintopot aku Riso am kalo natutunan ku sotopot no atan ondo' binaal kuli.

1 PITRUS 4:16

Kaa' amon ru maimbolo' kau sabap ra akau ulun Kristian, pai' kau kauyu' raginio. Paringkuanang kano ri Aki Kapuuno' ra akau inggalanin ra ulun Kristian.

PINAINTALANG 19:13

Sukub ra binayang Nano natakisan ra raraa'. Sabiton Io ra “Bala' ri Aki Kapuuno'”.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.