JAKUBUS 2:21 - Tanou Moonsoi Timugon

²¹ Karaa' ayuk i Abragam, kinamatuaan takali. Io pana inapu ri Aki Kapuuno' sabap ra atan ondo' binaal nano ragili. Nangiou io ra anak nano, i Isak, simbaluyon, koson pataakon ri Aki Kapuuno'.

JAKUBUS 2:21 ပူးပေါင်းရင်းမြစ်များ

MAZMUR 143:2

Aku ulipon Muno, pai' aku akimi'; kolondo' sangulun pana ondo' kalo makasala ra saang Muno.

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

MATIUS 12:37

Sabap ra ragu muno galama' ondo' mamisara' rirun, ra makasala kou kia kapoam kalo.”

MATIUS 3:9

Pai' karaa' ra akau ti kalo ukumin ru Tuhan sabap ra mindagu kau, ‘Akai ti papag ri Abragam.’ Balain takamin: I Aki Kapuuno' makakuasa' mambaal ra batu-batu ti masauk ra ulun papag ri Abragam!

LUKAS 1:73

Nagibot am nambantu' Io ri Abragam, kinamatuaan takali, mamayag Io ritakau intor ra pantula' takano, maa' raginio makakau' takau mangandoi Riso,

LUKAS 16:24

Golok io, ‘Aki Abragam! Pakaasi' no raki'! Susubo' i Lajarus mompososop ra tutulu' nano ra timug pampasalui ra rila' kutu, sabap ra maimbolo' aku toojo ralalom ru apui ti!’

LUKAS 16:30

Kaa' indagu ulun langkaya' no, ‘Aki Abragam, kalo mampaguang ilo toojo, kaa' amon ru mokoondo' sangulun maayag saguli' intor ra kapatayan am matong risilo, maaru' tumalikur ilo intor ra tula nilo.’

JUANIS 8:39

Taam ilo Riso, “I Abragam noyo ama' mai.” Kaa' indagu i Jisus, “Amon ru totopot akau papag ri Abragam, maaru' baalon min ondo' binaal ri Abragam i.

JUANIS 8:53

Kinamatuaan maili i Abragam, am ngaangai' ru nabi pana minatoi. Maatang Kou po kia ka i Abragam? Indoson Muno, osoi Kou?”

RINALATAN 7:2

Taam i Stipanus, “Pabukat ku ngaangai'! Rongogo' min gitio! I Aki Kapuuno' nampakito ra katulayan Nano ra kinamatuaan takau i Abragam paat ra io lakat ayuk poyo minayan giu' ra pagun Misopotamia, ra kalo poyo minanding ra pagun ru Aran.

ROMA 3:20

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

ROMA 4:1

Amon ru ginio poyo, atan boo paraguon takau intor ra nailian ri Abragam, kinamatuaan takali?

ROMA 4:12

I Abragam niayuk koson ra ama' ru ngaangai' ulun sinunatan, sala' ka ra sunat nilo ayuk, kaa' niayuk ra pangintapatan nilai ti mogondo' ra pangintapatan ri Abragam ra io kalo poyo sinunatan.

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

IBRANI 11:17

Sabap ra pangintapatan noyo, i Abragam nampataak ra anak nali i Isak koson ra rondo' taak simbalui paat ri Aki Kapuuno' nangkinam riso. Nanaak io niayuk ra anak langkuir nano, kabalu' pana binantuan io ri Aki Kapuuno' ra:

JAKUBUS 2:18

Kaa' mokoondo' lair mindagu ra, “Sangulun lumansan ra pangintapatan nano am bokon no poyo lumansan ra atan ayuk baal nano ra moonsoi.” Makataam aku niayuk ra, “Pakitono' noyo raki' ati koson sangulun mangintopot amon ru kolondo' baal nano ra moonsoi. Kaa' aku mampakito ra pangintapatan kutu mansail ra baal kuno ra moonsoi.”

JAKUBUS 2:24

Ginio sabap ra itakau ti apuon ri Aki Kapuuno' sabap ra atan ondo' baalon takati, am sala' ka sabap ayuk ra pangintapatan takau.

JOSUA 24:3

Kopongo raginio nagibit Aku ri Abragam kinamatuaan mino, intor ra tana' giu' ra sandaup ru Sungoi Iprat am naningganai riso liminiput ra titikop ra tana' ru Kanaan. Nanaak Aku riso ra masuang papag. Nanaak Aku riso ri Isak,