JAKUBUS 2:1 - Tanou Moonsoi Timugon

¹ Pabukat kau ngai', pai' min noyo inggio' ulun ra bokon, sabap ra mangintopot kano ri Jisus Kristus, Tuhan ondo' urumaton toojo.

JAKUBUS 2:1 ပူးပေါင်းရင်းမြစ်များ

AMSAL 24:23

Ulun mapintar pana mindagu koson ragitio: Sangulun akim kalo iowon mambaal ra pagimbason.

JAKUBUS 2:9

Kaa' amon ru inggion min poyo ulun ra bokon makatula kau, am Ukum ri Aki Kapuuno' noyo mapainono' ra akau matulaan.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

IMAMAT 19:15

“Pai' jajajou paat ra akau mambisara' ra baalon ru ulun. Pai' pansalaa', ondo' kia ra ulun musikin kapoam langkaya'.

SAGULION 1:17

Pai' pagimbaso' paat ra okou mamatas; pangakim noyo ra moonong ulun am mamakai ra ralan ra nogondo', kalo ilain osoi ulun no. Pai' kalaa' ra osoi pana, sabap kapatasan ondo' binaal mino kapatasan intor ri Aki Kapuuno'. Amon ru mokoondo' baal ondo' mapagon kaga' ramuyun, pataako' raki' baal raginio; aku mambaal ra kapatasan ra baal raginio.’

AMSAL 28:21

Ulun ra maagat sapapa' iono rondo' baal ra nasala, kaa' mokoondo' niayuk akim mambaal koson raginio koson mangapu ayuk ra rasua kabalu' pana kalo masuang.

2 TUNUNG RU BANSA' ISRAIL 19:7

Kalaa' kano ra Tuhan, am ilalain ra mampaguang, sabap ra Tuhan, i Aki Kapuuno' takau masisang ra ulun ondo' sumiang, kapoam ondo' kalo matimpok, kapoam ondo' mangapu ra pangngambi'.”

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 2:3

am urumaton min boo ulun nambayang ra moonsoi no, ragu min riso, “Tuan, umpos ayuk am giti ra intok moonsoi ti panturungan muno.” Kaa' ragu min ra ulun musikin ti, “Bigor ayuk ra giu' no,” kapoam, “Panturung kou ayuk ra sulig ti, tuma' ru kalayam kutu.”

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

1 KORINTUS 2:8

Kolondo' sangulun intor ra mangunguasa' ru tana' ti nakarati' ra kapintaran raginio. Amon ru nakarati' ilo, maaru' kalo masalip nilo Tuhan ondo' matulai kaga' i.

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

TITUS 1:1

Aku i Paulus mamatik ra surat ti koson sangulun ulipon ri Aki Kapuuno' am sangulun rasul ri Jisus Kristus. Aku pinili' koson mampaingkotog ra pangintapatan ru ulun pinili' ri Aki Kapuuno' am mampaintutun risilo ra pangilaan motopot sumugut ra ugama takau.

1 TIMOTIUS 1:19

Guuto' noyo toojo pangintapatan ra motopot no am bayaa' ayuk bolos ru guang muno ondo' mapasau. Mokoondo' kukula' ngaulun kalo nangkirongog ra bolos ru guang nilo, saboi napuso boo pangintapatan nilo.

KOLOSI 1:4

Sabap ra nakaining akai noyo ra ati kulaan pangintapatan min ri Jisus Kristus am togom min ra ngaangai' ulun ri Aki Kapuuno'.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

ROMA 1:11

Ginio ra moogot aku toojo muma' ramuyun am niayuk magapu ramuyun ra barakat ru Ambiluo ri Aki Kapuuno' ra mapaikang ra guang mino.

RINALATAN 24:24

Pakasail kukula' ngoorou raiti, minatong boo i Piliks am andu' nano, i Drusila ulun ru Jaudi. Piawo' ri Piliks i Paulus i am nangkirongog ilo ra pangilaan ri Paulus intor ra pangintapatan ri Jisus Kristus.

RINALATAN 7:2

Taam i Stipanus, “Pabukat ku ngaangai'! Rongogo' min gitio! I Aki Kapuuno' nampakito ra katulayan Nano ra kinamatuaan takau i Abragam paat ra io lakat ayuk poyo minayan giu' ra pagun Misopotamia, ra kalo poyo minanding ra pagun ru Aran.

RINALATAN 10:34

Indagu boo i Pitrus, “Bagu aku nakatutun ra nogondo' ayuk ngaangai' ulun ra pagilangan ri Aki Kapuuno'.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

JAKUBUS 1:16

Pabukat kau ngai' ondo' tagamin ku, pai' kano karuung!

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.