JAKUBUS 1:5 - Tanou Moonsoi Timugon

⁵ Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JAKUBUS 1:5 ပူးပေါင်းရင်းမြစ်များ

1 TUNUNG RU BANSA' ISRAIL 22:12

Gama' ru Tuhan, i Aki Kapuuno' muno mangani' rirun ra pangaratian am kapintaran, maa' raginio makapamarinta kou ra Israil sumugut ra Taurat Nano.

2 TUNUNG RU BANSA' ISRAIL 1:10

Ginio ra anii' aku ra kapintaran am kapandayan ondo' musiti' aku mokoondo' koson mamarinta risilo. Amon ru kalo, kalo masaga' aku mamarinta ra ulun Muno ra masuang ti.”

MAZMUR 51:6

Natulaan aku Rirun – Okou ayuk, am nambaal aku ra baal-baal ondo' karaan Mu ra malaat. Motopot nangakiman Muno raki'; natimpok noyo ra Okou nangukum raki'.

KAINGKUALAN 31:3

Nanaak Aku ri Bijalil ra kuasa' Kuno. Nanaak Aku riso ra pangaratian, katasikan am kapandayan ralalom ngaangai' salinut ru kandoi seni:

KAINGKUALAN 31:6

Nampili' Aku niayuk ri Ogoliab anak ri Agisamak intor ra bansa' ru Dan, koson mangandoi ri Bijalil. Nanaak Aku noyo ra kapandayan ondo' matuyu' ru ngaangai' ondo' mangatasik, maa' raginio ngaangai' susuban Kuno mabaal nilo:

AMSAL 8:17

Tagamin ku ulun ra motogom raki', ondo' totopot maguyum raki', makatuum raki'.

MATIUS 11:20

I Jisus pana tumalimpuun mansawai ra ulun ru pekan-pekan ondo' intok raginio nambaalan no ra masuang kaimuagan, sabap ra ulun ondo' minayan ra pekan-pekan raginio kalo tumalikur intor ra tula nilono.

MARKUS 16:14

Pupus no, minintalang i Jisus ra koopor am rondo' maamaya' Nali paat ra ilo nangakan. Giu' i sinawai No ilo sabap ra kolondo' pangintapatan am mokotog ulu nilo saboi kalo nangintopot ilo ra ulun ondo' nakakito galama' ra Io naayag.

JUANIS 14:13

Ginio ra atan ayuk kitaakon min ralalom inggalan Kuno, baalon Ku. Maa' raginio i Aki Kapuuno' katulayon ralalom ru Anak Nano.

JUANIS 15:7

Amon ru rumondon kau Raki' am ragu Ku rumondon ra guang min, pakitaak kau ri Ama' ra atan ak kasagaan min am aniin kau.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 JUANIS 3:22

Am atan ayuk kitaakon takau intor Riso makaapu takau, sabap ra gumagaya' takau ra susuban Nano am mambaal niayuk ra kaansukan ru guang Nano.