JAKARIA 9:9 - Tanou Moonsoi Timugon

⁹ Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

JAKARIA 9:9 ပူးပေါင်းရင်းမြစ်များ

1 RAJA'-RAJA' 1:38

Kopongo raginio i Jadok, i Natan, i Binaya am ulun magalung galama' ru raja' nangkimait ri Salomo nangura' ra baghal ru Raja' Daut, am namaya' riso mongoi ra taur ru timug giu' ra Gigon.

MAZMUR 149:2

Pakaansuk kano, ulun ru Israil, sabap ra Namangun mino; pakaansuk kano, namagun ru Sion sabap ra Raja' mino!

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 45:1

Mazmur ru bansa' ri Kora. Rimbai ru togom. Ra tingganai santimungan maririmbai. Sumugut ra rimbai: Bunga' Bakung.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 30:6

Ginio noyo tanou ri Aki Kapuuno' intor ra bibiag giu' ra tampilon ra rabugus, “Duta-duta minugar nansail ra pagun ondo' makalalaa', ondo' inayanan ru singa', kukuo mabisa', am tambuakal ra mapandai mansiab. Kaladai am unta napasakayan nilo ra tangguang ondo' mologo koson pataakin nilo ra bansa' ondo' kalo makapangindangan risilo.

JISAYA 33:22

Nansalinut kuliamos ru kapal nilono kolondo' pakuan. Layar kalo maalap kabilar. Ngaangai' kinalangkayaan ru saujor pantula' no gaawon takau, am suang nano masuang kaga' saboi ulun kalo makalulu' pana matayaran. Tuhan galama' masauk ra raja' takau. Mamarinta Io am mangampin ritakau.

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 43:11

“Aku ayuk Tuhan, Aku ayuk makapamayag ramuyun.

JISAYA 43:3

Aku noyo Tuhan, i Aki Kapuuno' min, i Aki Kapuuno' ondo' matulai, ondo' namayag ramuyun. Pataakon Ku Misir koson mamuli' ramuyun; Pataakon Ku Itiopia am Siba koson mapalabus ramuyun.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

YEHEZKIEL 21:32

Mapuso kau akanon ru apui. Raraa' min malayak giu' ra pagun min galama'. Kolondo' osoi pana boo makakara' ramuyun.’ ” Tuhan nakaindagu noyo.

GOSIA 1:7

Kaa' makaasi' Aku ra bansa' ru Jiuda. Aku, Tuhan, i Aki Kapuuno' nilo mamayag risilo, kaa' sala' ka ra pamulunsaran – sala' ka ra ilang, kapoam busur am panah, kapoam kuda am ulun mangura' nano.”

MIKA 4:8

Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

JAKARIA 2:10

Indagu Tuhan, “Parimbai kano ra maansukan, akau mamagun ru Jirusalim! Mayan Aku ra tatanga' min!”

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

MATIUS 2:2

am pangkuot ilo, “Ati naganakan ra lalagang ondo' masauk ra raja' ru ulun ru Jaudi? Nakito mai butitin Nano siminirang giu' ra intok mai tampilon ra sirangon am nakasuku' akai ragiti mongoi samba Riso.”

MARKUS 11:7

Paat ra anak kaladai i nakasuku' ri Jisus, apini' nilo bakulung ru anak kaladai i ra bayang nilai am sakoi boo i Jisus.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 19:15

Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

TINGGANAI RU BANSA' 10:4

Mokoondo' io ra talu ngoopor ngaulun anak ungkuyon ondo' nangura' ra talu ngoopor ngainan kaladai. Mokoondo' anak-anak nano ra talu ngoopor pekan giu' ra wilayah Giliad. Pekan-pekan raginio lakat poyo sabiton ra pekan-pekan Jair saboi raino.