JAKARIA 9:8 - Tanou Moonsoi Timugon

⁸ Alungin Ku tana' Kuno am kalo mangiou ra pantula' mansail. Kalo boo polosoon Ku ulun malaat mangimbolo' ra ulun Kuno. Nakito Ku noyo kaimbalaan ru ulun Kuno.”

JAKARIA 9:8 ပူးပေါင်းရင်းမြစ်များ

2 SAMUIL 16:12

Maaru' lair ra ilain ru Tuhan no kaimbalaan kuno am mambarakat raki' koson ra palit ru ulas nano.”

2 RAJA'-RAJA' 19:34

Ralalom ru inggalan Kuno galama' am ralalom ru bantu' Kuno ra ulipon Kuli i Daut, alungin Ku bandar ti am niayuk manindung riso.’ ”

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 RAJA'-RAJA' 24:1

Paat ra pamarintaan ru Raja' Joyakim, Raja' Nibukadnijar intor ra Babilonia namulunsar ra Jiuda. Buoi talu ngambilor Raja' Joyakim kiminuku' kalalaat ra Raja' Nibukadnijar, kaa' tauli no giminuor Raja' Joyakim.

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

MAZMUR 72:4

Gama' ru manungka' raja' ra ulun musikin, mangindangan ra ulun musikin am niayuk mangala ra ulun mangimbolo' risilo.

KAINGKUALAN 3:7

Indagu boo Tuhan, “Nakito Ku noyo kaimbalaan ru bansa' Kuno giu' ra Misir. Naining Ku noyo ilo naguros makilabus intor ra ulun-ulun nangulipon no. Sotopot no nakatutun Aku noyo ra ngaangai' kaimbalaan nilo.

KAINGKUALAN 3:9

Sotopot no naining Ku noyo golok ru ulun Kuno am nakito Ku ati kulaan ru ulun ru Misir nangulipon kaga' risilo.

AMSAL 3:25

Kalo pana magalabo kou ra karaat rumatong ra sangkuliop ayuk, koson ra rosob lumumpa' ra ulun malaat.

JISAYA 26:1

Masuku' bulintok no rimbayon ru ulun rimbai ragitio giu' ra tana' Jiuda: Bandar takau ti maikang! I Aki Kapuuno' mangampin ra timbok Nano!

JISAYA 31:5

Ati kulaan ra sanginan susuit mansiab ra libung ru bunsut nano koson mangampin ra anak-anak nano, ginio niayuk Raki', Tuhan Ondo' Maayo Kaga' Kuasa', mangampin, manungka', am mamamayag ra Jirusalim.”

JISAYA 4:5

Giu' boo ra rasawat ru Bulur Sion am ngaangai' ulun ondo' timinimung ra giu', Tuhan mampatuun ra gaun bulintok matawang am lisun am niayuk apui ondo' masimbula' bulintok molondom. Katulayan ri Aki Kapuuno' manindung am mangampin ra libung ru bandar no.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 52:12

Kalo maajag-ajag kau mugar, am sala' ka koson ra ulun ondo' tumangkus ayuk pagiru'. Sabap ra Tuhan no mangitang ramuyun; i Aki Kapuuno' ru Israil manindung ramuyun intor ra nansalinut pisuk.

JISAYA 54:14

Pinotolorog kou intor ra katimpakan, pinainggalur intor ra kajamaran am pangimpayan.

JISAYA 60:18

Kalaatan kalo boo maining, pagun muno kalo boo makaliman ra kapusaan. Koson ra timbok, manindung Aku am manungka' rirun; omporon mu Aku sabap ra Aku mamamayag rirun.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 46:13

Paat ra Raja' Nibukadnijar intor ra Babilonia, minatong namulunsar ra Misir, minindagu Tuhan raki',

JIRIMIA 46:2

tumalimpuun ra Misir. Koon raginio noyo ragu Nano intor ra saujor ru Raja' Niko intor ra Misir, ondo' kinala ru Raja' Nibukadnijar intor ra Babilonia, giu' ra Karkimis mamaar ra Sungoi Iprat paat ra bilor kaapat ra pamarintaan ru Raja' Joyakim koson ra raja' ru Jiuda,

YEHEZKIEL 39:29

Pasasaron Ku Ambiluo Kuno ra ulun ru Israil, am kalo boo iruanin Ku ilo. Aku, Tuhan Raja', nakaindagu noyo.”

AMOS 9:15

Paayanon Ku ulun Kuno giu' ra pagun ondo' pinataak Ku noyo risilo. Kalo boo patirin ilo.” Tuhan, i Aki Kapuuno' min nakaindagu noyo.

JAKARIA 12:4

Paat raginio ilaanon Ku ngaangai' kuda, am ulun-ulun nangura' ra kuda masauk ra mantuyang. Alungin Ku mamagun ru Jiuda, kaa' bolowon Ku mato ru kuda ru pantula' nilo.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 14:11

Mamagun mayan ra giu' ra maayag, kalo boo lolobon ru kapusaan.

JAKARIA 9:7

Lumonggo' ilo mangakan ra kual ondo' lakat poyo makararaa' am atan ayuk akanon ondo' kalo maakan. Ngaangai' ulun ondo' naayag masauk ra ulun Kuno am masauk ra rondo' intor ra bansa' ru Jiuda. Ikron masauk ra ulun Kuno koson ra ulun ru Jibusi paat ra galing i.

RINALATAN 7:34

Nakatutun Aku noyo toojo ra kaimbalaan am kapaganan ru bansa' Kuno giu' ra Misir. Niayuk nakaining Aku ra ilo naguros. Ginio ra raino masaga' Aku mongoi pampalabus risilo. Ibok no! Poongoyon tokou ra pagun ru Misir.’

PINAINTALANG 20:9

Nakaralat ilo ra titikop ru tana' ti saboi liputin nilo kim ru ulun ri Aki Kapuuno', ioginio bandar ondo' tinagaman Nano. Kaa' timinuun apui intor ra suruga' mangumpo risilo.