JAKARIA 9:4 - Tanou Moonsoi Timugon

⁴ Kaa' Tuhan nangalap ra ngaangai' ondo' soroi riso. Patirin No ngaangai' kalangkayaan no ra ralalom ru raat, am bandar no koyoon solobon.

JAKARIA 9:4 ပူးပေါင်းရင်းမြစ်များ

AMSAL 10:2

Amon ru langkaya' kaa' intor ra guang kalo mabanis io kalo magibit ra kaansayan, kaa' kabanisan ru guang mangampin ra kaayagan.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

JISAYA 23:11

Palar ru Tuhan binilar no ra rasawat ru raat am mamulir ra ngaangai' pamarintaan. Nanusub Io koson mamuso ra pusor-pusor ru pangindapuan giu' ra Punisia.

YEHEZKIEL 26:17

Rimbayon nilo boo rimbai sulaboi ragitio ramuyun: Bandar maayo no napuso noyo! Kapal-kapal nano inalusan intor ra raat. Ragili mamagun nano nanguasa' ra raat, am nampalalaa' ra ngaangai' mamagun ru raat.

YEHEZKIEL 28:16

Kumantisuk kou ra talanon muno; baal raginio noyo ondo' nangkinibit rirun liminaat am makatula. Ginio ra pinagiru' Tokou intor ra gunung Kuno ondo' matulai am kirub ondo' magalung rirun nampagiru' rirun intor ra tatanga' ru batu mologo ondo' manguliat no.

YEHEZKIEL 28:18

Talanon muno nososok ra ondo' kalo mabanis saboi intok-intok sambayangan muno najamalan. Ginio ra solobon ku bandar muno saboi mapuso. Ngaangai' ulun ondo' magilong rirun raino makakito ra kaau ayuk.

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

YEHEZKIEL 28:8

Mamatoi ilo rirun am mompolobong rirun giu' ra raat.

JOIL 3:8

Anak-anak ungkuyon am ruandu' min talanon ra ulun ru Jiuda; ulun ru Jiuda poyo mantalan risilo ra Syiba, pagun ondo' maalur kaga'. Aku, Tuhan nakaindagu noyo.

AMOS 1:10

Ginio ra atarin Ku apui giu' ra timbok ru bandar Tirus am solobon kubu-kubu nano.”

JAKARIA 9:5

Bandar Askilon makakito ra baal raginio am malaa'. Bandar Gaja makakito ra baal raginio am malumpa' ru kaimbalaan ondo' maagat. Ikron niayuk makakito ra baal raginio, am kalansanan nano matutuk. Matatakan Gaja ra raja' nano, am Askilon masauk ra masiluk kolondo' ulun minayan.