JAKARIA 9:17 - Tanou Moonsoi Timugon

¹⁷ Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

JAKARIA 9:17 ပူးပေါင်းရင်းမြစ်များ

MAZMUR 144:12

Gama' ru ngaangai' anak ungkuyon takau ra mangamulok masauk koson ra tutuu' ondo' malabung. Gama' ru ngaangai' anak ruandu' takau masauk koson ra lugu' mapasau ondo' makaantak ra linsuk-linsuk ru istana.

MAZMUR 145:7

Potonowon nilo nansalinut kinoonsoi Muno, am marimbai koson maansukan ra katimpakan.

MAZMUR 27:4

Rondo' pinakiasian kuno ra Tuhan; rondo' ayuk kinitaak kuno; ioginio mayan ra Baloi ru Tuhan polos ru painawo kuno, koson tumainu ra ondo' nansalinut moonsoi Riso, am makiila' Riso.

MAZMUR 31:19

Polosoo' noyo ulun-ulun maabau-abau tumambungangang, sabap ra malilimbau ilo am magasab ra ulun ondo' mabanis guang.

MAZMUR 36:7

Kinoonsoi Muno kalo mauyog koson ra gunung maayo, katimpakan Muno koson ra landom ru raat. Okou magalung ra ulun am bibiag.

MAZMUR 45:2

Guang kutu napanu' ra ragu-ragu maamis bulintok ra aku nambaal ra rimbai pasukuon ra raja'; rila' kutu koson ayuk ra santaun pamamatik ru sangulun mamamatik ra sisindiron.

MAZMUR 50:2

Intor ra Sion, bandar ondo' maramai, makasinda i Aki Kapuuno' koson ra mato ru orou.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 90:17

Iou Tuhan, i Aki Kapuuno' mai, barakato' akai no, am anii' akai ra ampos moonsoi ra atan ayuk kondoyon mai.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

RIMBAI PANGAMPARAN 5:10

Ambai kuno maikang am maindon; kolondo' mokogondo' riso kabalu' pana suang ru ulun no mopor ngaribu.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

JISAYA 33:17

Igondo' poyo akau makatalinono' ra sangulun raja' mamarinta ra maantak. Pagun nano mapulolou ra ngaangai' linsuk.

JISAYA 63:15

Iou Tuhan, indukui' akai no intor ra suruga', intok inayanan Muno ondo' mapasau am matulai. Ati boo togom am katulayan Muno? Ati boo togom am kaasian Muli? Pai' oroto' ginio ngaangai' ramon.

JISAYA 63:7

Tunungon ku togom ru Tuhan; omporon ku Io sabap nansalinut binaal Nano. Binarakat No ulun ru Israil saboi liminuab sabap ra asi' am togom Nano kolondo' pupus.

JIRIMIA 31:12

Matong ilo ra Bulur Sion liliwa' marimbai ra maansukan; maansukan ilo sabap ra pinataak Kuno, iono gandum, wain, umau jaitun, domba am sapi'. Ilo koson ra taman ondo' naukop ra timug, kalo naawayan ilo ra atan pana.

JIRIMIA 31:14

Imam-imam basugon Ku ra akanon masuang, am mangukop ra ngaangai' ondo' pakuan ru ulun Kuno. Aku, Tuhan, nakaindagu noyo.”

JOIL 2:26

Kaa' raino mokoondo' kau ra akanon naukop saboi naasug. Mongompor kau ra Tuhan, i Aki Kapuuno' min, nambaal Io ra baal makaimuag ramuyun. Ulun Kuno totopot kalo boo asabin.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

ROMA 5:8

Kaa' i Aki Kapuuno' nampakito ritakau ra togom Nano sabap ri Kristus minatoi mamayag ritakau, paat ra itakau makatula ayuk poyo.