JAKARIA 9:16 - Tanou Moonsoi Timugon

¹⁶ Paat orou raginio ra tauli no, bayagon ru Tuhan ulun Nano, koson ra magagalung mamayag ra bibiag tinambiag intor ra makalalaa'. Suminda ilo giu' ra pagun ru Tuhan koson ra intan ra karaun.

JAKARIA 9:16 ပူးပေါင်းရင်းမြစ်များ

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

KAINGKUALAN 28:21

Musiti' moonong batu parmata no tulisin rondo'-rondo' ra inggalan ru anak-anak ri Jakub ondo' manguakil ra mopor am ruo bansa' Israil.

KAINGKUALAN 28:9

Pangalap ruo batu sardis am tulisi' inggalan ru mopor am ruo ngaulun anak ri Jakub ra batu no,

JISAYA 40:10

Tuhan Raja' matong koson mamarinta am makakuasa', Ibiton No ulun ondo' binayag Nano.

JISAYA 54:12

Manara-manara baalon Ku intor ra batu dalima', kulobon-kulobon garabang muno intor ra batu intan, timbok-timbok muno intor ra ratna mutu manikam.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JISAYA 60:3

Bansa'-bansa' ra bokon matong saguguluyur ra sinda muno, raja'-raja' nabunduk ru sinda siminila' koson rirun.

JISAYA 62:3

Masauk kou koson ra karaun makaantak ra kalindu' ru Tuhan, karaun ru pamarintaan ra kalindu' ri Aki Kapuuno' muno.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JIRIMIA 31:11

Pinalabus Ku noyo ulun ru Israil, am namayag risilo intor ra bansa' ondo' maikang.

YEHEZKIEL 34:11

Indagu Tuhan Raja', “Aku galama' maguyum ra ulun ru Israil, domba-domba Kuno, am magalung risilo,

YEHEZKIEL 34:12

koson ra sangulun magagalung maguyum am manimung ra domba-domba nano ondo' nantutuliar. Timungon Ku ilo intor ra intok ilo pinatutuliar paat ra rondom ondo' molondom am karaat no.

YEHEZKIEL 34:31

Totopot akau no sampanon ru domba ondo' pinakan Kuno. Akau noyo ulun Kuno am Aku noyo i Aki Kapuuno' min.” Ginio noyo ragu ru Tuhan Raja'.

MIKA 5:4

am mamparatong io ra kaansayan. Paat ra ulun ru Asyur namulunsar ra pagun takau am namandak ra pangampin takau, nanusub takau ra tingganai-tingganai ondo' maikang kaga' koson gumula' risilo.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

JIPANYA 3:20

Masaboi paat no; ibiton Ku muli' ulun ondo' nantutuliar; pasaukon Takamin ra mauligan kaga' giu' ra titikop ru tana', am pasaukon kau ra langkaya' igondo' poyo.” Tuhan nakaindagu noyo.

AGAI 2:23

Paat orou raginio, okou Jirubabil, ulipon Kuno, pasaukon Tokou koson mamarinta ralalom ru inggalan Kuno, sabap okou noyo ondo' pinili' Kuno.” Ginio noyo ragu ru Tuhan Ondo' Maayo Kaga' Kuasa'.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 8:23

Paat raginio mopor ngaulun bansa' ra bokon matong ra sangulun ru Jaudi am mindagu, ‘Akai niayuk masaga' barakaton koson ramuyun sabap nokorongog akai ri Aki Kapuuno' mabaya' ramuyun.’ ”

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

JUANIS 10:27

Domba-domba Kuno mangkirongog ra bolos Kuno; makaulig Aku risilo am maya' ilo Raki'.