JAKARIA 9:15 - Tanou Moonsoi Timugon

¹⁵ Tuhan Ondo' Maayo Kaga' Kuasa' manindung ra ulun Nano, pusoon nilo pantula'. Mampaluwau ilo koson ra ulun magauk mampaluwau, liliwa' mampasasar ra raraa' ru pantula'; raraa' ru pantula' tumilis koson ra raraa' ru taak simbalui, ondo' pinasasar giu' ra rasawat ru altar intor ra rondo' mangkuk.

JAKARIA 9:15 ပူးပေါင်းရင်းမြစ်များ

AYUP 41:28

Kolondo' panah ondo' makapampagiru' riso; batu ondo' pinobobol riso, koson ra puputul ru rami.

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

KAINGKUALAN 27:2

Baalin kaapat-apat pisuk no ra sangau. Musiti' pogondoon ra altar am angkupin ngaangai' no ra gangsa'.

RIMBAI PANGAMPARAN 1:4

Ribaki' noyo, ibito' aku no mabaya' rirun, iou raja' kuno, ibito' aku no ra lamin muno. Okou magibit ra akai maansukan, am mongompor ra laai muno moonsoi poyo ka wain; ginio sabap ra ruandu'-ruandu' malaai rirun.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

RIMBAI PANGAMPARAN 7:9

am kabang muno koson ra owou ru wain ondo' maamis kaga' owou. Koon poyo raginio, polosoon noyo wain no tumilis ra ambai kuno, ra kalo maputat-putat, tumilis ra bibil am ripon nano.

JISAYA 37:35

Bandar ru Jirusalim sungkaan am ampinin Kuno sabap ra urumat Kuno galama', am niayuk nabantuan Kuno ri Daut, ulipon Kuno.’ ”

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

IMAMAT 4:18

Musiti' io mapaluit ra sanganu intor ra raraa' no ra sangau ra pisuk ru altar intok ru kaminyan ondo' pinabanta' ra ralalom Kim ru Tuhan, am suwo ru raraa' no pawason boo ra tampilon ragana' ru altar intok panalaban ra taak simbalui, ondo' pinabanta' giu' ra saang ru kulobon ru Kim.

IMAMAT 4:25

Imam ondo' mangandoi no musiti' mopososop ra bubua' ru kalindu' nano ra ralalom ru raraa' ru kambing no, pakupilon raraa' no ra sangau ra pisuk ru altar, am suwo ru raraa' no pawason boo ra tampilon ragana' ru altar.

IMAMAT 4:7

Musiti' io mapaluit boo sanganu intor ra raraa' no ra sangau ra pisuk ru altar intok ru kaminyan giu' ra ralalom Kim ru Tuhan. Musiti' io mapawas ra suwo ru raraa' no ra tampilon ragana' ru altar intok panalaban ra taak, ondo' pinabanta' giu' ra saang ru kulobon ru Kim ru Tuhan.

MIKA 5:8

Kalaan ru Israil pantula' nilo am mamuso risilo ngaangai'.

JAKARIA 10:5

Mamagun ru Jiuda mamanang koson ra saujor ondo' manginjang-injang ra pantula' ralalom ru losok giu' ra ralan. Mangayou ilo sabap ra Tuhan mabaya' risilo. Kalaan nilo pantula' ondo' mangura' ra kuda.

JAKARIA 10:7

Mamagun ru Israil masauk ra maikang koson ra ulun tutumula', am maansukan koson ra ulun ondo' nanginum ra wain. Papag nilo mangkara' ra kamanangan ti, am maansukan sabap ra binaal ru Tuhan.

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.

JAKARIA 12:8

Paat raginio sindungin Ku ilo ondo' minayan giu' ra Jirusalim, am niayuk ulun ondo' malawo kaga' pana masauk ra maikang koson ri Daut. Tingganayon ilo ru papag ri Daut koson tingganayon ru malaikat ru Tuhan am koson tingganayon ri Aki Kapuuno' galama'.

JAKARIA 14:20

Paat raginio lunsing-lunsing ra pinabayang ra kuda pana inukir ra ragu-ragu “Patimpokon tayar ru Tuhan”. Pagangan-pagangan giu' ra Baloi ru Tuhan masauk ra mapasau koson ra mangkuk-mangkuk ondo' pinabanta' giu' ra saang ru altar.

JAKARIA 14:3

Kopongo raginio bagu no Tuhan mamulunsar ra bansa'-bansa' no koson ra galing i.

JAKARIA 2:9

“Tuhan galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra Tuhan Ondo' Maayo' Kaga' Kuasa' nanusub noyo raki'.

JAKARIA 9:17

Mapara' bonsoi no am kinaantak ru pagun no ra tauli no! Ungkuyon mamulok am ralaa lumanja' maikang; gandum am wain mangikang risilo.

1 KORINTUS 1:18

Tanou ru pinatayan ri Kristus ra salip i koson ayuk ra ragu sasambungon ra ulun makalayau, kaa' ritakau ondo' bayagon, ioginio mampakito ra kuasa' ri Aki Kapuuno'.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

1 SAMUIL 17:45

Kon ri Daut, “Okou matong manggal raki' ra ilang, tutura' am tanggulan. Kaa' aku matong manggal rirun ralalom inggalan ru Tuhan Ondo' Maayo Kaga' Kuasa', i Aki Kapuuno' ru saujor Israil ondo' inasaban muno.