13 Pakayon Ku Jiuda koson ra busur ru ulun tutumula', am Israil koson ra anak panah. Pakayon Ku mamagun ru Sion koson ra ilang, koson mangayou ra ulun ru Junani.”
Okou noyo ulun maindon kaga' ra gino ngai' ru ulun, ragu-ragu muno napanu' ra kaansayan, ginio sabap ra okou binarakat ri Aki Kapuuno' ra sabuoi-buoi no.
Ragu-ragu kuno sinauk No malarom koson ra ilang, am ra kalindu' Nano galama' nanindung Io aku. Sinauk No aku koson ra anak ru panah inasa', am pinauli No ra kobon koson tumampos pakayon.
Nampili' Aku noyo ra kukula' ngaulun intor ra anak ungkuyon min koson masauk ra nabi, am kukula' ngaulun ra mamulok min masauk ra ulun Nazir. Sala' ka kia koon raginio, akau ulun ru Israil? Aku, Tuhan nakaindagu noyo.
Nangkuot aku, “Atan kia arati' ru rinatangan nilo?” Taam io, “Minatong ilo koson mampakalalaa' am mampaluir ra bansa'-bansa' ondo' namuso ra Jiuda am niayuk nampatutuliar ra mamagun nano.”
Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.
Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”
Intor ra kabang Nano miningkual rondo' ilang malarom ondo' mampakaala ra bansa'-bansa'. Parintaan No ilo ra kalo makaasi' mogondo' ra kawa' ru anggur kikinjangin ra intok pamagaan, ioginio sangit am ukum ri Aki Kapuuno' Maayo Kaga' Kuasa'.
Saujor nilono napatoi ra ilang ondo' miningkual intor ra kabang ru nangura' ra kuda mapulak no. Ngaangai' kanui pana minatong boo am nangakan ra baangkai ru namagatoi suku' naasug.