JAKARIA 9:12 - Tanou Moonsoi Timugon

¹² Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

JAKARIA 9:12 ပူးပေါင်းရင်းမြစ်များ

AYUP 42:10

Kopongo raginio, kopongo i Ayup nakiasi' ra tayar ru katalu-talu ngaulun rangan nano, pinasauk ru Tuhan i Ayup ra langkaya' saguli', am nangani' riso ra induo ruli' intor ra linonggom no ragili.

JISAYA 24:22

Timungon ri Aki Kapuuno' raja'-raja' koson ra ulun narakop ralalom rondo' luang. Aputon No ilo saboi orou pangakiman risilo masuku'.

JISAYA 38:18

Kolondo' sangulun pana ra namagatoi mongompor Rirun; ulun minatoi kalo lumansan ra gagaya' Muno.

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 52:2

Luat no intor ra kaau, okou Jirusalim, kabuli' kaau ondo' siminokot rirun. Bugali' rantai ondo' siminigot ra liog muno, akau namagun ru Sion ondo' narakop!

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

JIRIMIA 14:8

Okou no rorondo' kalansanan ru Israil, ondo' namayag ramon intor ra karaat. Kua kia koson Okou ra ulun bansa' ru bokon giu' ra pagun mai, am koson ra ulun lalayau ondo' minapit sorondom am mugar?

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 31:17

Mokoondo' ra kalansanan ra orou tauli muno; anak-anak muno muli' ra pagun galama'. Aku, Tuhan, nakaindagu noyo.

JIRIMIA 31:6

Sotopot no, masaboi paat no ra ulun-ulun magagalung ru bandar gumolok giu' ra kabuluran Ipraim, ‘Ibok pagaloi takau ra Sion, mongoi ra Tuhan, i Aki Kapuuno' takau.’ ”

JIRIMIA 50:28

Ulun nagigiru' intor ra Babilonia am minatong ra Jirusalim; tinunung nilo ati kulaan ra Tuhan, i Aki Kapuuno' takau nambalos ra binaal ru ulun Babilonia ra Baloi ru Tuhan.)

JIRIMIA 51:10

Indagu Tuhan, “Giminolok ulun Kuno, ‘Nampakito Tuhan ra itakau motopot. Ibok balai' takau mamagun ru Jirusalim ra atan ondo' binaal ru Tuhan, i Aki Kapuuno' takau.’ ”

YEHEZKIEL 37:11

Indagu i Aki Kapuuno' raki', “Okou ulun mapandai matoi, ulun ru Israil nogondo' koson ra bungul-bungul no. Kon nilo ra mapua' ilo, ra kolondo' kalansanan am kolondo' orou tauli.

GOSIA 2:15

Sabiton no boo Aku ra ralaki nano, am sala' ka boo Baal nano.

JOIL 3:16

Bolos ru Tuhan mansangal intor ra Bulur Sion; maningkalur Io intor ra Jirusalim; limbowon am tana' ti malunggun, kaa' manindung Io ra ulun Nano.

MIKA 4:8

Okou Jirusalim, intok ri Aki Kapuuno' mantamung ra ulun Nano koson sangulun magagalung, sumaguli' ra pusor bandar ru pamarintaan muno koson ragili.

NAGUM 1:7

Tuhan no moonsoi; manindung Io ra ulun Nano paat ra ilo mapagon, magalung Io ra ulun ondo' sumindung Riso.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.