JAKARIA 9:11 - Tanou Moonsoi Timugon

¹¹ Indagu Tuhan, “Sabap ra nabantuan Kuno am akau, nabantuan ondo' sinaapan ra raraa' ru taak simbalui, palabuson Ku bansa' min ondo' naimbolo' ralalom pamatiran koson ra ulun ondo' naaput ralalom ru tulubong mapua'.

JAKARIA 9:11 ပူးပေါင်းရင်းမြစ်များ

2 SAMUIL 13:13

Amon ru masauk koson raginio, kalio bulos kuno. Okou pana tauyuon ru ulun ra Israil. Moonsoi mansunur kou am raja', am maaru' mangiou raja' ra aku ti masauk ra andu' muno.”

2 TUNUNG RU BANSA' ISRAIL 7:17

Amon ru mangandoi kou ayuk Raki' am gumagaya' koson ra ama' muli i Daut, gumagaya' ra ngaangai' ukum Kuno, am niayuk mambaal ra ngaangai' ondo' nanusuban Ku noyo rirun,

AYUP 33:30

maa' raginio makapamayag Io ra ulun, am mangani' ra kaansukan ralalom ru kaayagan nilo.

MAZMUR 30:3

Mampiau aku Rirun ra makiindangan, iou Tuhan, i Aki Kapuuno' kuno, am Okou namabas raki'.

MAZMUR 40:2

Ralalom orot ru guang, maginaa aku ra Tuhan mangindangan, am magilong Io raki' am mangkirongog ra piau kuno.

MAZMUR 69:33

Amon ulun inimpayan magilong ra baal ragitio, maansukan ilo; ulun ondo' sumamba ri Aki Kapuuno' mintopot poyo.

KAINGKUALAN 24:8

Alapo' boo ri Musa raraa' ralalom ru mangkuk-mangkuk no am pawaso' ra ulun no. Kono, “Gitio noyo raraa' ondo' mamiot ra nabantuan ru Tuhan am akau paat ra Io nangani' ra ngaangai' susuban ti.”

JISAYA 24:22

Timungon ri Aki Kapuuno' raja'-raja' koson ra ulun narakop ralalom rondo' luang. Aputon No ilo saboi orou pangakiman risilo masuku'.

JISAYA 42:22

Kaa' ragino ulun Nano ginaawan, pinasubol ilo ra pangaputan ralalom tana', am inaput ra pangaputan. Tinakawan ilo am ginaawan, kolondo' sangulun pana mangindangan risilo.

JISAYA 42:7

Sinungkirat Mu mato ru ulun bolou, am nampalabus ra ulun intor ra pangaputan ondo' molondom.

JISAYA 49:9

Ulun ra inaput susubon Ku mingkual; ondo' soroi ra intok molondom ibiton Ku ra intok matawang. Giu' ra bulur nabugasan pana kolondo' kapaganan nilo, gagawar ru ralan pinaatang akanon.

JISAYA 51:14

Nasuangan ulun rinakop palabuson mataki'; kalo maawayan ilo ra akanon, am kalo matoi am lobongon.

JISAYA 58:12

Bandar ondo' lair noyo nasauk ra tuntur ru napuutan baalon min sagulio' ra nambaalan lair. Piawon kau ra ‘Bansa' ondo' nambaal saguli' ra timbok-timbok am nambaal saguli' ra baloi-baloi ondo' natutuk.’ ”

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JIRIMIA 38:6

Ginio ra inibit nilo aku am pinatuun aku ra kalat ra ralalom tulubong ru anak raja' i Malkia. Tulubong no soroi giu' ra liliut ru istana. Nalasakan tulubong no, molosok ayuk, aku pana nakatapung ra ralalom ru losok no.

DANIL 2:29

Tatanga' ra okou nombolong, naginupi kou intor ra baal ru orou matong, am nanulu' i Aki Kapuuno' ra ngaangai' ondo' nakasibuni nampakito ra baal ondo' masauk no rirun.

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

MARKUS 14:24

Indagu i Jisus risilo, “Gitio noyo raraa' Kutu, raraa' nabantuan ri Aki Kapuuno' ondo' pasasaron ra masuang ulun.

LUKAS 16:24

Golok io, ‘Aki Abragam! Pakaasi' no raki'! Susubo' i Lajarus mompososop ra tutulu' nano ra timug pampasalui ra rila' kutu, sabap ra maimbolo' aku toojo ralalom ru apui ti!’

LUKAS 22:20

Koson niayuk raginii, kopongo ilo nangakan, pataako' No sangkir i risilo liliwa' minindagu, “Sangkir ragitio nabantuan bagu ri Aki Kapuuno', saukon ralalom ru raraa' Kuno, ondo' pasasaron ramuyun.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

1 KORINTUS 11:25

Nogondo' niayuk ra Io nopongo nangakan, alapo' No sangkir ru anggur am indagu, “Sangkir ti am nabantuan bagu ri Aki Kapuuno', ondo' saukon ru raraa' Kuno galama'. Moonong ra akau manginum raginio, baalo' min gitio koson pangkaraan min Raki'.”

SAGULION 5:31

Kaa' okou, Musa, musiti' mayan ragiti mabaya' Raki'. Manaak Aku rirun ra ngaangai' ukum am susuban Kuno. Pailaa' ngaangai' no ra ulun raginio maa' raginio gumagaya' ilo raginio giu' ra pagun ondo' taakin Kuno risilo.’

IBRANI 10:2

Amon ru ulun ondo' sumamba ri Aki Kapuuno' no totopot inimpasau intor ra tula, kalo boo mangkara' ra makatula ilo am kalo pana boo magibit ilo ra taak simbalui.

IBRANI 10:29

Mumpara' boo bagat paukumin ra ulun ondo' magasab ra Anak ri Aki Kapuuno' am mangkara' ra kolondo' noyo onong ru raraa' nabantuan ri Aki Kapuuno' ondo' mangampun ra tula nano, am magasab poyo ra Ambiluo ri Aki Kapuuno' ondo' mangasi' riso.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

PINAINTALANG 20:3

Papatiro' io ru malaikat no ra intok ru ulun namagatoi no am kunsio' am tandui' no angob no ra segel. Intor raginio tambuakal no kalo boo makapamparuung ra bansa'-bansa' suku' saribu ngambilor no makai'. Mopongo ginio palabuson io ra kalo kukula' buoi.